Ki Moun Ki Jan Bondyé?

Jézi Kwi sé Gason Jehovah èvèk pli bon jan’y, I ka chéwi. Avan I vini asou latè kon an nonm, Jézi té ka viv an syèl kon an lèspwi ki ni an pil pouvwa. (Jan 17:5) Apwé sa I vini asou latè pou enstwi moun lavéwité-a konsèné Bondyé. (Jan 18:37) I osi bay lavi’y kon an nonm pou sové lézòm ki obéyisan anba péché èvèk lanmò. (Ronm 6:23) Apwézan Jézi sé Wa an Wéyòm Bondyé, an gouvèdman an syèl ki kay mennen Pawadi asou latè sala.—Wévélasyon 19:16.

Sé nanj-lan sé jan Bondyé osi. Sé nanj-lan pa té koumansé lavi yo kon lézòm asou latè. Yo té kwéyété an syèl avan Bondyé fè latè-a. (Jòb 38:4-7) La ni milyon di nanj. (Dannyèl 7:10) Sé jan sala Bondyé ni an syèl-la vlé moun apwann lavéwité-a konsèné Jehovah.—Wévélasyon 14:6, 7.

Bondyé ni jan asou latè-a osi; I ka kwiyé yo témwen’y. An témwen adan an kay lodyans ka di sa I konnèt konsèné an moun ében an bagay ki fèt. Témwen Jehovah ka di lézòt moun sa yo konnèt konsèné Jehovah èvèk divwa’y. (Izaya 43:10) Menm kon sé nanj-lan, sé Témwen-an vlé édé’w apwann lavéwité-a konsèné Jehovah. Yo vlé’w fè jan épi Bondyé osi.