Kilès Jézi Té Yé?

Jéhova voyé Jézi asou latè. 1 Jan 4:9

Si nou vlé plè Jéhova, nou ni pou kouté an lòt moun ki enpòtan. Lontan avan I kwiyété Adanm, Jéhova kwiyété an lèspwi an syèl ki ni an pil pouvwa.

Apwé an tan, Jéhova voyé’y pou’y fèt kon an ti manmay an Bèfléyenm pa an vyèj yo kwiyé Mari. Yo kwiyé ti manmay sala Jézi.—Jan 6:38.

Kon an nonm asou latè, Jézi wiflèkté kawaktè Bondyé pawféman. I té janti, I té ni lanmityé, èk I té apwochab. San pèwèz, I enstwi lézòt lavéwité-a konsèné Jéhova.

Jézi fè bon mé moun té hayi’y. 1 Pita 2:​21-24

Jézi osi djéwi moun ki té malad èk wésisité adan moun ki mò.

Sé mèt wilizyèz-la té hayi Jézi paski I èspozé enstwit yo ki té fo èk mové mannyè yo.

Sé mèt wilizyèz-la oblijé sé jan Ronm-lan pou bat Jézi èvèk tjwé’y.