Ki sa Divwa Bondyé Yé?

Bondyé vlé nou viv an lapé épi lakontantman an pawadi asou latè pou tout tan!

Ou pé katjilé, kanmenm, ‘Ki mannyè sa pé janmen fèt?’ Bib-la di Wéyòm Bondyé kay fè’y posib, èk I sé divwa Bondyé pou tout moun apwann konsèné Wéyòm sala èk antansyon Bondyé pou nou.—Sam 37:​11, 29; Izaya 9:7.

Bondyé vlé nou jwenn bennéfis.

Menm kon an bon papa vlé sa ki pli mèyè bay ich li, Papa nou an syèl vlé nou ni lakontantman ki kay diwé pou tout tan. (Izaya 48:​17, 18) Bondyé ja pwonmèt ki moun-an ki ‘fè volonté’y-la kay viv pou tout tan.’—1 Jan 2:17.

Bondyé vlé nou maché an chimen’y.

Bib-la di Kwéyatè nou vlé “enstwi nou konsèné mannyè’y” kon sa nou kay sa “maché an chimen’y.” (Izaya 2:​2, 3) I ja ògannizé “an konpanni moun ki ni non’y” pou fè moun konnèt divwa’y owon latè-a.—Twavay 15:14.

Bondyé vlé nou adowé’y an lilyon.

Adowasyon ki vwé pa ka divizé moun. I ka mennen yo an lilyon èk I ka fè yo ni lanmityé ki fò pou yonn a lòt. (Jan 13:35) Ki konpanni moun an tan jòdi ki ka enstwi nonm épi fanm toupatou mannyè pou sèvi Bondyé an lilyon? Nou ka envité’w pou jwenn wépons-lan an ti liv sala.