LISON 6
Ki Èspwa La Ni Pou Lé Mò?
1. Ki sa ki bon nouvèl-la konsèné lé mò?
Lè Jézi wivé Bèfanni ki pwé Jérouzalèm, jan’y Lazaròs té ja mò pou kat jou. Jézi ansanm épi Mafa èk Mari, dé sésé nonm-lan ki mò-a, alé koté yo téwé’y-la. Adan an ti monman, an latilyé moun konblé. Ès ou sa imajiné lajwa Mafa èk Mari lè Jézi wésisité Lazaròs?—Li Jan 11:21-24, 38-44.
Mafa té ja apwann bon nouvèl-la konsèné lé mò. I té ja sav Jéhova kay wésisité lé mò pou viv ankò asou latè.—Li Jòb 14:14, 15.
2. An ki kondisyon lé mò yé?
Bondyé té di Adanm: “Ou sé lapousyè èk ou kay witounen pou lapousyè.”—JENNÉSIS 3:19.
Lézòm fèt épi lapousyè. (Jennésis 2:7; 3:19) Nou pa lèspwi ki ka viv adan an kò lachè. Nou sé moun ki fèt épi lachè, kon sa la pa ni anyen andidan nou ki ka wèsté vivan apwé nou mò. Lè nou mò, sèvèl nou ka mò osi, èk katjil nou ka péwi. Sé pou wézon sala Lazaròs pa té di anyen konsèné èspéyans li padan I té mò—paski lé mò pa konnèt anyen.—Li Sam 146:4; Ékléziyastis 9:5, 6, 10.
Ès Bondyé ka tòmanté moun épi difé apwé yo mò? Paski Bib-la ka moutwé ki lé mò pa konnèt anyen, I a klè ki difé lanfè sé yon fo lésisyon ki ka mépwizé Bondyé. Jis katjil-la pou tòmanté moun épi difé ki détèstab pou Bondyé.—Li Jérémaya 7:31.
Gadé vidéyo-a Ki Koté Lé Mò Yé?
3. Ès lé mò sa palé ban nou?
Lé mò pa sa ni palé ni tann. (Sam 115:17) La ni adan nanj ki méchan. Yo pé palé bay moun pou fè yo kwè sé épi moun ki mò yo ka palé. (2 Pita 2:4) Jéhova pa vlé nou éséyé konminiké épi lé mò.—Li Ditonronnonmi 18:10, 11.
4. Ki konpanni moun ki kay viv ankò?
Plizyè milyon moun ki ja mò kay witounen pou viv ankò asou latè. Bondyé kay jis wésisité moun ki pa té konnèt li èk ki té ka fè sa ki pa bon.—Li Louk 23:43; Twavay 24:15.
Moun ki wésisité kay sa apwann lavéwité-a konsèné Bondyé èk yo kay obéyi Jézi pou moutwé lafwa yo an li. (Wévélasyon 20:11-13) Moun ki wésisité èk ki fè sa ki bon kay sa jwi lavi pou tout tan asou latè.—Li Jan 5:28, 29.
5. Ki sa wézèwèksyon-an ka di nou konsèné Jéhova?
La ni èspwa pou moun ki ja mò paski Bondyé voyé Gason’y pou mò ban nou. Kon sa wézèwèksyon-an ka di nou konsèné lanmityé Jéhova èk favè èstòdinè’y. Lè sé mò-a wésisité, ki moun èspwèsman ou té kay vlé wè?—Li Jan 3:16; Ronm 6:23