Mannyè ou sa jwenn bennéfis an sé lison sala . . .
Mandé Pou On Moun Enndé’w: Mandé moun-nan ki té ba’w ti liv sala pou diskité’y épi’w, èben plen fòm-lan asou wèbsayt-la jw.org pou yon Témwen Jéhova diskité’y épi’w.
PWÈMYÉ PA
Li chak pawagwaf épi sé kèstyon-an (A) èk sé lévanjil-la (B) ki ka pézé fò asou sé pwen-an ki pli enpòtan. Noté, i ni yonndé vèwsé ki ni douvan yo mo pawòl-la: “li”.
DÉZYENM PA
Santans-lan (C) ki anba Annou Apwann Pli ka ba’w on ti lidé asou sa ou kay apwann. Ti tit-la (D) ka entwodwi sé gwo pwen-an. Li sé lévanjil-la, mandé sé kèstyon-an, èk gadé sé vidiyo-a (E).
Byen gadé sé pòtwé-a, èk sé enfòmasyon-an ki ka èspliké yo (F). Katjilé asou koumannyè ou té kay wéponn kwèsyon-an ki anba, Adan Moun Ka Di (G).
DÈNYÉ PA
Lison-an ka fini épi Chonjé Sé Pwen Sala èk Annou Wivizé Sa Nou Ja Apwann (H). Ékwi dat-la ou fini lison-an. Anba Bagay Ou Sa Fè (I), la ni diféwan sijèsyon asou diféwan bagay ou sa éséyé fè. Anba Lòt Enfòmasyon Ou Sa Gadé (J), ou kay twouvé pli enfòmasyon pou ou sa gadé.
Ki mannyè ou sa twouvé sé vèwsé-a an Bib ou?
Lè ou wè an lévanjil, pwèmyé bagay-la ou kay wè sé, non liv Bib-la (A), èk apwé, ou kay wè chapit-la (B). Finalman, ou kay wè yonn ében plizyè vèwsé (C). Pou ègzanp, Jan 17:3 ka voyé’w pou liv-la Jan, chapit 17 èk vèwsé 3.