LAVI NOU KON KWITYEN

Mannyè Moun Ki Mayé Sa Fòtifyé Mawiyaj Yo

Abrahanm èk Sara té ni wèspé èk lanmityé pou yonn a lòt. (Jen. 12:11-13; 1 Pita 3:6) Kanmenm, mawiyaj yo pa té pawfé, èk yo té ni pou andiwé difikilté an lavi yo. Ki sa moun ki mayé sa apwann hòd ègzanp Abrahanm èk Sara?

Toujou palé épi yonn a lòt. Moutwé imilité si madanm ou ében mawi’w di an bagay paski yo kontwayé. (Jen. 16:5, 6) Toujou fè awanjman pou pasé tan ansanm. Moutwé madanm ou ében mawi’w ou enmen yo, pa mannyè ou ka palé èk pa aksyon’w. Sa ki pli enpòtan sé pou tjenn Jéhova pwèmyé a mawiyaj zòt. Zòt sa fè sa lè zòt pwédyé, étidyé, èk adowé ansanm. (Éklé. 4:12) Mawiyaj ki fò ka bay Jéhova lonnè. Sé li ki koumansé awanjman sen sala.

GADÉ VIDIYO-A, MANNYÈ POU FÒTIFYÉ MAWIYAJ-LA, ÈK APWÉ, MANDÉ SÉ KWÈSYON SALA:

An vidiyo-a ki sa ki té moutwé Shaan èk Kiara pa té pwé kon avan?
Adan an mawiyaj, pouki I enpòtan pou palé adan on mannyè ki onnèt?
Ki mannyè ègzanp Abrahanm èk Sara, té édé Shaan èk Kiara?
Ki sa Shaan èk Kiara fè pou fòtifyé mawiyaj yo?
Pouki an mawi èk an madanm pa sipozé kwè mawiyaj yo kay pawfé?

Sé Pòtwé-a: Pòwté ki sòti hòd vidiyo-a ‘Mannyè Pou Fòtifyé Mawiyaj-la.’ Shaan èk Kiara ka fè diféwan bagay pou fòtifyé mawiyaj yo. 1. Yo ka asid lwen yonn a lòt. 2. Yo ka tjenbé lanmen yonn a lòt. 3. Yo kontan pou twavay ansanm an minis-la. — Ou sa fòtifyé mawiyaj ou!