Ès Ou Ka Twapé Bennéfis Hòd Examining the Scriptures Daily?

Ès chak jou ou ka li tèks-la èk sé wimak-la hòd Examining the Scriptures Daily pou vansé pli pwé Jéhova? Si ou pa ka fè’y, ès ou sa éséyé fè’y toulé jou? Adan di nou ka li tèks-la byen bonnè lé bonmaten èk ka wéfléchi asou tèks-la padan jou-a ka pasé. (Jòch. 1:8; Sam 119:97) Ki mannyè ou sa twapé pli bennéfis hòd lévanjil-la pou jou-a? Ou sa li sé lévanjil-la oliwon vèwsé-a, ében lòt vèwsé, ében lòt enfòmasyon asou vèwsé sala, pou ou sa konpwann vèwsé-a pli mèyè. Éséyé pou katjilé asou an listwa an Bib-la, ki ka fè pwensip-la an vèwsé-a klè. Èk apwé éséyé pou swiv pwensip sala. Lè ou kité pawòl Bondyé djidé disizyon’w ou kay vwéman twapé bennéfis an lavi’w.—Sam 119:105.

Manm fanmi Bèfèl owon latè-a ka diskité Examining the Scriptures Daily lé bonmaten. Apwézan plizyè adan sé diskisyon sala asou JW Broadcasting^® anba PWOGWANM ÈK LOKASYON. Ès ou ka gadé yo? Pitèt enfòmasyon-an ou kay tann sé sa ou kay vwéman bizwen. Pou ègzanp, ki mannyè listwa Lòt sa enfliyansé disizyon’w?

GADÉ VIDIYO-A, PA ENMEN LATÈ SALA (1 JAN 2:15), ÈK APWÉ WÉPONN SÉ KWÈSYON SALA:

• Ki pwensip Bib diskisyon sala té bazé asou?

• Ki mannyè listwa Lòt ka moutwé I danjéwé pou enmen latè-a ében bagay latè-a?—Jen. 13:12; 14:12; 19:​3, 12, 13, 24-26

• Ki mannyè nou sa moutwé nou enmen Jéhova èk nou pa enmen latè-a èk sé bagay latè-a?