Glowifyé Jéhova Kon An Piyonnè

Sé jan Izwayèl-la té ni an chay wézon pou glowifyé Jéhova. Jéhova té délivwé yo hòd Éjip, èk I té sové yo hòd lawmé Féro! (Ègz. 15:​1, 2) Jéhova ka kontiné pou moutwé pèp li bonté. Ki mannyè nou sa moutwé apwésiyasyon nou?—Sam 116:12.

Yon mannyè nou sa fè sa sé lè nou wann sèvis kon a piyonnè òkzilè, ében an piyonnè wéglé. Ou sa pwédyé pou dézi-a èk kouway-la pou piyonnè. (Filip. 2:13) Plizyè fwè èk sè té koumansé wann sèvis kon an piyonnè òkzilè, avan yo té koumansé wann sèvis kon an piyonnè wéglé. Diwan mwa Mas èk Avwi, èk sé mwa-a ansyen-an pou sékyout-la ka vizité, ou sa chwazi pou fè 30 ében 50 nèditan an minis-la. Lajwa-a ou kay èspéyansé lè ou piyonnè òkzilè, pé motivé’w pou wann sèvis kon an piyonnè wéglé. Jis fwè èk sè ki ka twavay sékilè, ében ki pa ni bon santé ka wann sèvis kon piyonnè wéglé. (mwb16.07-E 8) Jéhova vwéman méwité tout éfò-a nou ka mété pou glowifyé’y!—1 Kw. 16:25.

GADÉ VIDIYO-A TWA SÉSÉ AN MONGOLIA, ÈK APWÉ WÉPONN SÉ KWÈSYON SALA:

• 

  Ki difikilté sé twa sésé-a té ganyen a bout pou piyonnè?

• 

  Ki bennédiksyon yo ja èspéyansé?

• 

  Paski yo té wann sèvis kon piyonnè wéglé, ki òpòtyounité nèf yo té wisivwè pou sèvi Jéhova?

• 

  Ki mannyè ègzanp yo té ankouwajé lézòt fwè èk sè?