Pwan Pwokosyon Pou Pa Simen Mansonj

Jòdi jou, I byen ézé pou voyé enfòmasyon toupatou bay milyon di moun, asou papyé, asou radyo-a, asou télévizyon-an, èk asou intannèt-la. Moun ki ka adowé “Dyé lavéwité-a” pa vlé simen enfòmasyon ki pa vwé, pa menm pa aksidan. (Sam 31:5; Ègz. 23:1) Lè ou wépété sa ou tann konsèné an moun ki pa vwé, sa sa donmajé yo. Pou’w détèminé si sa ou tann sé lavéwité-a, mandé kò’w:

• ‘Ès mwen sa konfyé sous sala?’ Pitèt moun-lan ki ka bay enfòmasyon-an pa ni tout détay-la. Lè enfòmasyon ka pasé hòd yon moun pou an lòt, apwé an lè enfòmasyon-an ka chanjé. Kon sa, pwan pwokosyon lè ou pa konnèt sous enfòmasyon-an. Sé fwè-a èk sé sè-a an kongwigasyon-an ka wèspèkté moun ki ni pwivilaj an kongwigasyon-an. Alò, moun ki ni wèskonsabilité an kongwigasyon-an bizwen pwan bon pwokosyon pou yo pa simen enfòmasyon ki pa vwé.

• ‘Ès enfòmasyon-an sé an mansonj ében an bagay ki négatif?’ Si enfòmasyon-an kay ban yon moun ében yon gwoup an mové wépitasyon, I pli mèyè pou’w pa wépété’y.​—Pwov. 18:8; Filip. 4:8

• ‘Ès mwen sa kwè sa mwen tann?’ Pwan pwokosyon lè ou tann enfòmasyon èk èspéyans ki sa èksité’w.

GADÉ VIDIYO-A KOUMAN MWEN SA DOUBOUT PALÉ MOUN MAL? ÈK APWÉ WÉPONN SÉ KWÈSYON SALA:

• 

  Silon Pwovèb 12:18, ki donmaj pawòl sa fè?

• 

  Kouman Filipay 2:4 ka édé nou pou fè an bon disizyon lè I vini pou sa nou ka di konsèné lézòt?

• 

  Lè moun ka palé konsèné lòt moun adan an mannyè ki négatif ében adan an mannyè pou pwan moun sèvi widitjil, ki sa nou sipozé fè?

• 

  Avan nou koumansé palé konsèné lézòt, ki kwèsyon nou sipozé mandé kò nou?