Ès Ou Sa Bay Tan’w Èk Fòs Ou?

Kon Izaya té di, nou ka wè ògannizasyon Jéhova asou latè-a ka gwandi pli pasé avan. (Izay. 54:2) Kon sa, nou bizwen bati pli Lasal Wéyòm, pli Lasal Asanblé épi pli plas pou bwanch. Apwé nou bati sé plas sala, nou bizwen tjenn yo annòd, èk délè nou ni pou wanjé yo. Ki òpòtyounité sa ka ban nou pou bay Jéhova tan nou èk fòs nou?

• Nou sa édé lè gwoup nou ni pou nétwayé Lasal Wéyòm-lan

• Nou sa volonté pou wisouvwé étwennman asou mannyè-a pou tjenn Lasal-la annòd

• Nou sa plen fòm-lan Local Design/Construction Volunteer Application (DC-50) pou nou sa édé tanzantan lè yo ka bati, ében wanjé plas adowasyon ki pa twò lwen kay nou

• Nou sa plen fòm-lan Application for Volunteer Program (A-19) épi volonté pou asisté pou yon simenn ében pli, an tèwitwa bwanch nou an Bèfèl, ében adan an lòt bwanch

GADÉ VIDIYO-A YO KA ÒGANNIZÉ AN PWOJÉ NÈF POU KONTWIKSYON​—AN TI PÒSYON, ÉPI APWÉ WÉPONN SÉ KWÈSYON SALA:

• Dépi lanné 2014, an ki mannyè nou ka sèvi vidiyo pli pasé avan?

• Pou potjiwé sé vidiyo-a nou bizwen pou adowasyon nou, ki pwojé yo ka ògannizé, épi ki lè l sipozé koumansé épi fini?

• Ki mannyè fwè èk sè sa édé épi pwojé sala?

• Si nou vlé édé épi twavay-la an Ramapo, pouki nou sipozé plen fòm-lan (DC-50), èk asisté épi pwojé Local Design/Construction ki pa twò lwen kay nou?

• Kouman nou sav sé Jéhova ki ka diwèkté pwojé sala?

• Ki mannyè nou sa sipòté pwojé sala, menmsi nou pa sa twavay asou’y?