Annou Fè Pli Byen Lè Nou Ka Pwéché​—Sèvi Tèlifonn-lan Pou Pwéché

POU KI SA ENPÒTAN: Lè nou sèvi tèlifonn-lan pou pwéché, sa sé an bon mannyè pou “di moun bon nouvèl-la”. (Twav. 20:24)a I ka édé nou pou pwéché bay moun lè nou pa sa vizité yo lakay yo.

MANNYÈ POU FÈ’Y:

• 

  Pwépawé. Chwazi an sijé ki apwopwiyab. Apwé sa désidé sa ou vlé di épi ékwi’y. Osi, ou sa pwépawé an ti konmisyon ki kout èk ki ka èspliké pouki ou ka kwiyé, si sé an machin ki wéponn tèlifonn-lan. I bon pou asiz bò an tab épi mété sa ou ékwi épi lòt bagay ou kay bizwen asou tab-la, tèl kon tèlifonn ou ében tablèt ou, ki ouvè asou JW Library^® ében jw.org^®

• 

  Fè kò’w konfòtab. Palé menm kon ou ka palé touléjou. Souwi èk fè sin épi lanmen’w konmsidi moun-lan sa wè’w. Pa pòz pou twò lonng lè ou ka palé. Si mèt kay-la mandé an kwèsyon, wépété’y, kon sa moun-lan ki ka twavay épi’w-la sa tann kwèsyon-an, èk yo sa édé’w twapé wépons-lan.

• 

  Pwépawé moun-lan pou dézyenm ti kozé-a. Si moun-lan antéwésé, ou sa kité an kwèsyon pou wéponn lòt kou-a ou kwiyé. Osi ou sa ofè pou voyé moun-lan an piblikasyon asou intannèt-la, pou pòsté piblikasyon-an ba’y, ében pou mennen piblikasyon-an ba’y. Ében ou sa ofè pou voyé’y an vidiyo ében an atik asou intannèt-la. Lè’y apwopwiyab, di moun-lan lòt bagay ki asou wèbsayt nou.