Kontiné Ofè Moun Sé Magazin-lan

Dépi lanné 2018, chak magazin pou piblik-la ka fiksé asou yon sijé. Tout sé magazin sala sé an pa an Zouti Pou Fè Disip. Alò, nou sa sèvi yo an minis-la. Nou sa tjenbé déotwa magazin épi nou lè nou ka voyajé ében lè nou ka alé an magazen-an ében an boutik-la. Nou pa ka sèvi sé magazin-lan pou étidyé Bib-la épi moun, mé sé magazin-lan sa fè an moun anvi konnèt plis konsèné Bondyé.

Apwé ou koumansé an konmézasyon, patajé an lévanjil épi moun-lan èk mansyonnen an sijé moun-lan pé antéwésé adan, ki yonn an sé magazin-lan ka fiksé asou. Pou ègzanp, si moun-lan ni ti ich, ében I ni tèt cho, ében I an lapenn, ou pé di: “Mwen té li an bèl ti atik asou sijé sala. Ès mwen sa moutwé’w li?” Si ou kwè moun-lan antéwésé, ou sa bay magazin-lan ében ou sa voyé’y an link pou I jwenn an kòpi asou intannèt-la, menm si sa sé pwèmyé fwa-a zòt ka palé. Magwé nou pa vlé djòs kité magazin-lan épi népòt moun, sé magazin-lan pé édé nou twapé moun ki sensè.—Twav. 13:48.

2018

2019

2020