Pwotéjé Mawiyaj Ou

Jéhova ka pwan sèman mawiyaj byen sèwyé. I di an madanm èk an misyé sipozé wèsté ansanm. (Maf. 19:5, 6) La ni an chay bon mawiyaj anpami pèp Bondyé. Kanmenm, la pa ni yonn mawiyaj ki pawfé, kon sa la kay ni pwòblenm. Nou pa vlé adòpté katjil-la ki konmen an latè-a, koté moun ka di, dépi ou ni pwòblenm an mawiyaj ou sépawé ében dévosé. Ki mannyè Kwityen ki mayé sa pwotéjé mawiyaj yo?

Mi senk bagay ki enpòtan moun ki mayé sa fè.

1. Pwotéjé tjè’w èk widjèkté bagay ki sa afébli mawiyaj ou. Pa ègzanp, pa moutwé moun ou pa mayé épi antansyon romantik, èk widjèkté tout vyé anmizman.—Maf. 5:28; 2 Pita 2:14.

2. Fè éfò pou vini an pli bon jan épi Bondyé, èk éséyé pou toujou plè Bondyé an mawiyaj ou.—Sam 97:10.

3. Kontiné pou abiyé épi pèsonnalité nèf-la, èk fè bon ti bagay ki kay fè lavi moun-lan ou mayé épi pli ézé.—Kòl. 3:8-10, 12-14.

4. Palé épi yonn a lòt souvan, palé asou bagay zòt antéwésé adan èk palé épi wèspé.—Kòl. 4:6.

5. Toujou satisfè dézi sèksyouwal yonn a lòt; toujou fè sa épi afèksyon èk lanmou.—1 Kòr. 7:3, 4; 10:24.

Lè kwityen onnowé mawiyaj yo, yo ka onnowé Jéhova, moun-lan ki établi mawiyaj.

GADÉ VIDIYO-A NOU DWÉ ‘KOUWI ÉPI PÈSÉVÉWANS’—OBÉYI WÈG KONPITISYON-AN, ÈVÈK APWÉ WÉPONN SÉ KWÈSYON SALA:

• 

  Magwé an mawiyaj pé koumansé byen, ki difikilté ki pé lévé?

• 

  Ki mannyè pwensip ki an Bib-la sa édé moun ki santi mawiyaj yo pa ni lanmou ankò?

• 

  Ki wèg Jéhova ja établi pou mawiyaj?

• Pou an mawiyaj ni siksé, ki sa dé moun-lan ki mayé-a dwé fè?