LAVI NOU KON KWITYEN
Sé Konvansyon Nou-an Sé Lokazyon Pou Moutwé Lanmityé
Pou ki wézon nou ka enjwi sé konvansyon nou-an si tèlman? Menm kon I té yé an tan sé Jwif-la, sé konvansyon-an ka ban nou lokazyon-an pou adowé Jéhova ansanm épi plizyè fwè èk sè nou. Nou ka apwann an chay bon bagay ki ka édé nou wèsté pwé Jéhova. Nou ka chéwi bon tan-an nou ka pasé épi jan èk fanmi nou. Apwésiyasyon nou ka pousé nou pou atandé sé twa jou konvansyon-an.
Lè nou ni lokazyon pou vini ansanm, nou sipozé katjilé, pa sèlman asou sa nou sa twapé, mé osi, asou mannyè nou sa moutwé lézòt lanmityé. (Gal. 6:10; Hib. 10:24, 25) Lè nou tjenn an lapòt ouvè pou fwè nou èk sè nou, ében nou sové sèlman chèz nou bizwen, nou ka moutwé nou ka gadé pou lantéwé lézòt. (Filip. 2:3, 4) Sé konvansyon nou-an ka potjiwé nou épi an bèl lokazyon pou nou fè lòt jan. Avan pwogwanm-lan, diwan lè déjnen, èk apwé pwogwanm-lan, nou sa éséyé pou palé épi yon moun nou pa té konnèt avan. (2 Kòr. 6:13) Moun nou fè jan épi diwan sé lokazyon sala, sa wèsté jan nou pou tout tan! Èk pli enpòtan toujou, lè moun wè mannyè nou ka moutwé lanmityé, yo pé désidé pou sèvi Jéhova épi nou.—Jan 13:35.
GADÉ VIDIYO-A ‘LANMOU KA DIWÉ POU TOUT TAN’! KONVANSYON ENTÒNASYONNAL, ÉPI APWÉ WÉPONN SÉ KWÈSYON SALA:
Ki mannyè sé fwè èk sè-a té moutwé lanmityé diwan konvansyon entònasyonnal-la pou lanné 2019?
Pouki lilyon-an èk lanmityé-a anpami pèp Jéhova tèlman wimakab?
Ki diféwan bagay konsèné lanmityé-a Kwityen ni pou yonn an lòt, sé manm Pwensipal Konmité-a té pézé asou?
Ki sa ou sa fè pou moutwé lanmityé lè’w atandé konvansyon?
Ki mannyè lanmityé té édé sé fwè nou-an an Almany èk Soud Koriya pou ni lilyon?
Ki sa nou sipozé détèminé pou fè?