Nou Ògannizé Pou Pwéché Bay Tout Moun

Menm kon Jéhova té ògannizé jan Izwayèl pou fè divwa’y, I ka ògannizé pèp li jòdi pou fè divwa’y. Tout òfis bwanch, kongwigasyon èk sèvis gwoup owon latè-a ka twavay ansanm pou pwéché bon nouvèl-la. Nou ka pwéché bay tout moun, jis moun ki ka palé an lòt langaj.—Wév. 14:6, 7.

Ès ou ja katjilé si ou sa apwann an lòt langaj pou édé lézòt apwann lavéwité-a? Menm si ou pa ni tan pou apwann an lòt langaj ou sa sèvi app-la JW Language pou apwann an ti pwézantasyon ki senp. Apwé ou sèvi pwézantasyon-an an minis-la, ou sa ni menm èspéyans-lan sé fwè nou-an an pwèmyé syèk-la té ni. Yo té ni djèwté lè moun ki té sòti lòt péyi té sipwi pou tann an langaj yo menm, “sé bon bagay-la Bondyé ja fè-a”.—Twav. 2:7-11.

GADÉ VIDIYO-A BECOME JEHOVAH’S FRIEND—PREACH IN A FOREIGN LANGUAGE, ÈK APWÉ WÉPONN SÉ KWÈSYON SALA:

• 

  Ki lè ou pé sèvi app-la JW Language?

• 

  Ki diféwan bagay ou sa fè asou app sala?

• 

  Ki diféwan langaj moun an tèwitwa’w ka palé?

• Ki sa ou sipozé fè si an moun ki ka palé an lòt langaj moutwé lantéwé an konmisyon Wéyòm-lan?—od-E 100-101 ¶39-41