Chwazi Bon Jan

Sa ki té wivé jan Izwayèl épi jan Mowab sé an avètisman pou nou jòdi. (1 Kòr. 10:6, 8, 11) Moun Mowab té ka adowé imaj èk fè imowalité sèksyouwal. Alò, paski jan Izwayèl té vini jan épi yo, sa enflouwansé jan Izwayèl pou fè menm kon yo. Sa pa té plè Jéhova pyès, èk an chay di yo mò. (Lim. 25:9) Tout oliwon nou, la ni plizyè moun ki pa ka adowé Jéhova. Pou ègzanp, moun an twavay nou, an lékòl nou, vwézinaj nou, jis moun an fanmi nou. Ki lison nou sa apwann an wakont sala konsèné sé mové bagay-la ki sa wivé nou, si nou vini jan épi moun ki pa ka adowé Jéhova?

GADÉ VIDIYO-A LISON NOU SA APWANN HÒD MOVÉ ÈGZANP KI AN BIB-LA—AN TI PÒSYON, ÈK APWÉ WÉPONN SÉ KWÈSYON SALA:

• 

  Ki vyé katjil Zimray èk lézòt té éséyé mété an lidé Jéminn?

• 

  Ki mannyè Finiyas té wédé Jéminn wè katjil Jéhova konsèné jan Mowab?

• Ès la ni an diféwans ant lè ou twété an moun ki pa on Témwen Jéhova byen, èk si ou vini jan épi an moun ki pa on Témwen Jéhova?

• Pouki nou sipozé pwan pokosyon lè nou ka chwazi bon jan nou, menm si sé an kongwigasyon-an?

• Pouki nou pa sipozé palé bay moun nou pa konnèt asou intannèt-la?