Bagay Pou Chonjé Lè Ou Ka Fè Mitin Pou Sèvis

Mitin pou sèvis, sé yonn an sé mitin-lan Jéhova ban nou pou édé nou ankouwajé yonn a lòt pou fè sa ki bon. (Hib. 10:24, 25) Mitin-lan pou sèvis, sipozé pwan senk (5) pou sèt (7) minit. Diwan tan sala, fwè-a sipozé ògannizé gwoup-la, ba sé fwè-a tèwitwa pou twavay, èk pwédyé. (Si mitin-lan pou sèvis ka fèt djòs apwé an mitin, i sa pwan mwens tan.) Fwè-a ki ka pwan gwoup-la sipozé pwépawé an sijé sé pwoklanmatè-a sa sèvi an minis-la pou jou sala. Pou ègzanp, si Sanmdi sé jou-a pli pwoklanmatè ka pwéché, pitèt i kay bon pou diskité sa nou sa di jan kay-la lè nou palé épi yo. Ki lòt sijé fwè-a pé diskité?

• Sèksyon-an Sa Ou Pé Di an Ti Liv Mitin Nou.

• Mannyè pou sèvi an sijé ki asou lidé plizyè moun pou koumansé an konmézasyon.

• Mannyè pou bay an wépons pou yon òbdjèksyon nou ka toujou twapé an tèwitwa-a.

• Mannyè pou palé épi moun ki pa ka kwè an Bondyé, moun ki ka kwè an évolousyon, moun ki ka palé an lòt langaj, ében moun ki adan an wilizyon ki pa konmen an tèwitwa-a.

• Mannyè pou sèvi an ti pwen ki asou jw.org, app-la JW Library^®, ében Bib-la.

• Mannyè pou sèvi yonn an sé zouti-a an Zouti Pou Fè Disip.

• Mannyè pou pwéché asou tèlifonn, épi lèt, an piblik, mannyè pou witounen asou moun ki moutwé lantéwé, ében mannyè pou fè létid Bib.

• Édé sé fwè-a chonjé pouki nou ni pou wézonnab, pwan pwokosyon, ni bon mès èk an bon atitid, ében lòt bagay kon sa.

• An pwen ében an vidiyo an ti liv-la Li Èk Enstwi.

• Mannyè pou ankouwajé moun-lan ou ka twavay épi an minis-la.

• An lévanjil ki ni pou fè épi minis-la, ében an bèl èspéyans.