Twa Mannyè Nou Sa Apiyé Asou Jéhova

David té ganyen laviktwa asou Golayèf paski i té apiyé asou Jéhova. (1 Sm 17:45) Jéhova vlé sèvi fòs li pou édé tout sèvant li. (2 Kw. 16:9) Ki mannyè nou sa dépan asou èd Jéhova pito èspéyans nou èben abilité nou? Mi twa mannyè:

• Pwédyé Souvan. Pwédyé pou fòs lè’w ka aji épi on tantasyon. Pwédyé pou pawdonnasyon apwé ou fè on lèwè. (Maf. 6:12, 13) Pwédyé pou diwèksyon Jéhova èk lasajès avan ou fè on disizyon. Pwédyé pou bennédiksyon Jéhova asou sé disizyon-an ou fè-a.—Jémz 1:5

• Toujou li èk étidyé Bib-la wéglé. Li Bib-la touléjou. (Sam 1:2) Pwan tan pou katjilé asou sé ègzanp-la ki an Bib-la èk apliké sé lison-an ou apwann an lavi’w. (Jémz 1:23-25) Pwépawé byen pou minis-la, èk pa dépan asou èspéyans ou. Pwépawé andavans pou sé mitin-lan pou’w sa jwenn bennéfis an plen.

• Twavay ansanm épi ògannizasyon Jéhova. Fè asiwé ou konnèt sé diwèksyon-an ki pli nèf hòd ògannizasyon-an, èk swiv yo san tadé. (Lim. 9:17) Kouté sé ansyen-an lè yo ban nou konsèy èk enstwiksyon.—Hib. 13:17

GADÉ VIDIYO-A LA PA NI PYÈS WÉZON POU PÈ PÈSIKASYON, ÈK APWÉ WÉPONN SÉ KÈSTYON SALA:

• Ki pèwèz sé fwè-a èk sé sè-a té ni?

• Kisa ki édé sé fwè-a èk sé sè-a pou aji épi sé pèwèz-la yo té ni-a?