Ki Moun Ki Janʼw Asou Intannèt-la?

Yon jan sé yon moun “ki ataché kò’y asou yon lòt moun, paski i enmen moun-lan, ében paski i ni an chay wèspé pou moun-lan”. Pou ègzanp, Jonatann épi David té vini bon jan apwé David tjwé Golayèf. (1 Sm 18:1) Jonatann èvèk David té konnèt yonn a lòt byen èk yo toulédé té ni bèl kawaktè, konsa, sa té fè’y ézé pou yo vini bon jan. Alò, pou vini bon jan épi yon moun, ou ni pou pwan tan èk fè éfò pou vini konnèt moun sala byen. Mé, sé pa konsa i yé asou intannèt-la. Pou vini “jan” épi yon moun asou intannèt-la, sèl sa ou ni pou fè sé klik déotwa bouton. Osi, lè moun asou intannèt-la, i byen ézé pou yo séwé ki moun yo vwéman yé. Paski, yo sa désidé ègzaktiman sa pou di, èk yo sa jis kontwolé katjil moun konsèné yo. Konsa, i bon pou byen katjilé ki kalité moun ou kay aksèpté pou jan’w asou intannèt-la. Si on moun ou pa konnèt mandé’w pou fè jan épi’y asou intannèt-la, pa pè pou di’y non. Lè adan moun konsidiwé sé danjé-a ki asou intannèt-la, yo ka désidé pou pa sèvi’y pou fè jan. Kanmenm, si’w chwazi pou sèvi intannèt-la pou fè jan, ki diféwan pwen ou sipozé tjenn an lidé’w?

GADÉ VIDIYO-A PWAN POKOSYON LÈ’W KA SÈVI SOCIAL NETWORKS, ÈK APWÉ WÉPONN SÉ KÈSTYON SALA:

• 

  Kisa ou sipozé chonjé avan ou mété pòtwé èk lòt enfòmasyon asou intannèt-la?

• 

  Poutji ou sipozé pwan pokosyon lè’w ka chwazi jan’w asou intannèt-la?

• 

  Poutji ou sipozé mété yon limit asou ki mizi tan ou ka pasé asou intannèt-la?—Èfés. 5:15, 16