Kontwolé Déziʼw

Paski nou pa pawfé, nou toujou ni pou lité pou kontwolé dézi nou. Mé, si nou pa kontwolé dézi nou, nou kay pèd favè Jéhova. Pou ègzanp, adan moun enmen manjé, had, èk kay yo, pli pasé yo enmen Bondyé. Osi, adan moun ka inyowé wèg Jéhova pou yo satisfè dézi sèksyouwal yo. (Ronm 1:26, 27) Èk adan moun ka kité lézòt moun enflouwansé yo pou fè sa ki pa bon, paski yo vlé moun enmen yo, èk aksèpté yo.—Ègz. 23:2.

Ki mannyè nou sa kontwolé dézi nou? Nou ni pou fè tout sa nou pé pou fè bagay ki ka plè Jéhova. (Maf. 4:4) Osi, nou ni pou toujou pwédyé bay Jéhova pou édé nou kontwolé dézi nou. Pouki nou ni pou fè sa? Paski Jéhova konnèt sa ki pli mèyè ban nou, épi i sav ki mannyè pou satisfè dézi nou.—Sam 145:16.

GADÉ VIDIYO-A PA KITÉ LAFIMÉ DÉTWI LAVI’W, ÈK APWÉ WÉPONN SÉ KÈSTYON SALA:

• 

  Pouki adan moun ka fimen?

• 

  Lè on moun ka fimen ki mannyè sa sa afèkté’y?

• 

  Pouki fimen èk vaping pa bon?—2 Kòr. 7:1

• 

  Kisa ou sa fè si on moun enkouwajé’w pou fimen? Ki mannyè ou sa doubout fimen?