Menm Si Lavi Wèd Nou Sa Aji Épiʼy Èvèk Konfyans

Lavi an latè sala plen difikilté. Épi kon nou ka vini pli pwé bout sistèm sala nou kay ni pli difikilté toujou. Pa ègzanp, pitèt nou kay ni pou fè san sèten bagay, paski nou pa ni asé lajan, ében, nou pa ni pyès lajan pou ganyen yo. (Hab. 3:16-18) Alò, kisa ki kay édé nou aji épi difikilté kon sa épi konfyans? Ében, nou ni pou kontiné mété konfyans nou an Dyé nou, Jéhova. Jéhova pwonmèt pou otjipé sèvant li, épi i sa potjiwé sa nou bizwen an népòt sitiwasyon.—Sam 37:18, 19; Hib. 13:5, 6.

Kisa ou sa fè:

• Plédé épi Jéhova pou djidéʼw, sipòtéʼw èvèk pou baʼw lasajès.—Sam 62:8

• Fè lidéʼw pou aksèpté twavay ou pitèt pa té kay fè avan.—g-E 1/10 8-9, sé bwèt-la

• Fè asiwé ou li Bib-la touléjou, ou atandé sé mitin-lan, èvèk ou patisipé an minis-la.

GADÉ VIDIYO-A BATI AN KAY KI KAY DIWÉ POU TOUT TAN—SÉ POU NOU “KONTANTÉ ÈK SA [NOU] NI”, ÈK APWÉ WÉPONN SÉ KÈSTYON SALA:

• Ki difikilté adan fanmi ja èspéyansé?

• Kisa ki pli enpòtan bagay-la an lavi?

• Kisa nou sa fè pou édé fwè èk sè ki pa ni lajan pou ganyen sa yo bizwen?