LAVI NOU KON KWITYEN

Édé Moun Ki Pa Wilizyèz Pou Vini Konnèt Kwéyatè-a

Ès ou janmen santi pè pou pwéché bay moun ki pa wilizyèz, paski ou kwè yo pa té kay kouté’w? Si’w ja santi kon sa, i kay bon pou chonjé ki, la ni an chay moun ki pa té wilizyèz, èk osi moun ki pa té ka kwè an Bondyé ki vini Témwen Jéhova. Kanmenm yo vini konnèt Bondyé paski on moun édé yo ègzanminé èvidans ki ka moutwé la ni on Bondyé.—Ronm 1:20; 10:14.

GADÉ VIDIYO-A MOUN KI PA NI LAFWA SA DÉVLOPÉ LAFWA!—MOUN KI PA WILIZYÈZ, ÈK APWÉ WÉPONN KWÈSYON SALA:

Ki mannyè èspéyans Tommaso ka enkouwajé’w pou pwéché bay moun ki pa wilizyèz?

Wépons ou

Mannyè pou fè’y

Si on moun di’w i pa ka kwè an Bondyé, kisa ou sa fè? Ében, moutwé moun-lan jantiyès, palé épi’y adan on mannyè ki dous, èk moutwé’y ou vwéman antéwésé ni an sa i ka kwè adan èk santiman’y. (2 Timòfi 2:24) Osi, diskité bagay ki kay antéwésé’y. Pou ègzanp, ès i vlé diskité èvidans ki édé on chay moun pou kwè adan an Kwéyatè? Si moun-lan antéwésé, ou sa sèvi sé atik-la èk sé vidiyo-a ki ka bay pwèv ki la ni an Kwéyatè.

Wi, délè ou pé santi pè pou diskité lavéwité-a épi on moun ki pa ka kwè an Bondyé. Mé si’w ka santi kon sa, kisa ou sa fè? Ében ou sa mandé on fwè ében on sè ki ni èspéyans pou èd. Èk toujou chonjé, Jéhova kay édé nou pou asisté jis moun ki pa ka kwè an li, si yo ni tjè sensè.—Twavay 13:48.