LI 26 FÉVWIYÉ–LI 3 MAS
SAMZ 11-15
Chanson 139 èk Lapwiyè | Pwèmyé Ti Pawòl (1 minit)
1. Imajiné Kò’w An Latè Nèf-la Ki Plen Lapé
(10 minit)
Lè moun pa ka wèspèkté èk obéyi lwa, sa ka annékòz vyolans-lan nou ka wè jòdi jou. (Sam 11:2, 3; w06-E 5/15 18 ¶3)
Nou sa ni asiwans-lan touswit Jéhova kay doubout vyolans. (Sam 11:5; wp16.4-E 11)
Lè nou wéfléchi asou pwonmèt Jéhova pou délivwé nou, sa sa édé nou pou moutwé pasyans kon nou ka èspéyé latè nèf-la. (Sam 13:5, 6; w17.08-E 6 ¶15)
MI ON BAGAY OU SA FÈ: Li Izikèl 34:25, èk pwan an ti tan pou imajiné kò’w an plas sala ki plen lapé.—kr-E 236 ¶16.
2. Fouyé Bib-la Pou Twapé Wichès
(10 minit)
Sam 14:1—Silon lévanjil sala, ki atitid Kwityen pa vlé dévlopé? (w13-E 9/15 19 ¶12)
Ki bèl ti pwen ou twapé an Samz 11-15 ou vlé patajé épi kongwigasyon-an?
3. Li On Pòsyon An Bib-la
(4 minit) Louk 18:31-43 (th lison 2)
4. Mannyè Pou Koumansé An Konmézasyon
(2 minit) BAY ON TÉMWENNAJ LÈ’W PA AN MINIS-LA. Envité moun-lan pou atandé Mémoriyal-la. (lmd lison 5 limowo 3)
5. Mannyè Pou Koumansé An Konmézasyon
(1 minit) LÈ’W KA PWÉCHÉ KAY AN KAY. Envité moun-lan pou atandé Mémoriyal-la. (lmd lison 3 limowo 4)
6. Mannyè Pou Koumansé An Konmézasyon
(3 minit) LÈ’W KA PWÉCHÉ KAY AN KAY. Jan kay-la moutwé lantéwé an envitasyon-an pou Mémoriyal-la. (lmd lison 7 limowo 4)
7. Fè Disip
(5 minit) lff lison 13 Chonjé Sé Pwen Sala, Annou Wivizé Sa Nou Ja Apwann èk Mi Yonndé Bagay Ou Sa Fè. Sèvi yon atik hòd ti sèksyon-an “Lòt Enfòmasyon Ou Sa Gadé” pou édé étidyan Bib ou konpwann mannyè Jéhova ka santi konsèné fo wilizyon. (th lison 12)
Chanson 8
8. ‘Lasajès Pli Bon Pasé Fèman Moun Fè Pou Ladjè’
(10 minit) Diskasyon.
Tout oliwon latè-a nou ka ni pli vyolans jou apwé jou. Mé Jéhova byen konnèt vyolans-lan nou ka wè èk èspéyansé sa ban nou an chay tèt cho. Èk i osi konnèt nou bizwen pwotèksyon. Alò, yon bagay Jéhova ka sèvi pou pwotéjé nou sé Pawòl li, Bib-la.—Sam 12:5-7.
Bib-la ni lasajès, èk lasajès sala ‘pli mèyè pasé fèman moun fè pou ladjè’. (Ékléziyastis 9:18) Konsidiwé mannyè sé pwensip Bib sala sa pwotéjé nou hòd vyolans.
Ékléziyastis 4:9, 10—Pa alé plas ki pa sòv pa kò’w.
Pwovèb 22:3—Lè’w an piblik, toujou byen gadé sa ki ka fèt oliwon’w.
Pwovèb 26:17—Lè moun ka chikannen pa mété kò’w adan’y.
Pwovèb 17:14—Kité plas-la si ou wè la kay ni vyolans. Èk lè ou wè moun asanblé pou pwotèsté, pa alé la.
Louk 12:15—Pa janmen mété lavi’w an wis pou pwotéjé byen’w.
Jwé VIDIYO-A Imité Moun Ki Ni Lafwa, Mé Pa Moun Ki Pa Ni Lafwa—Inòk, Pa Lanmèk. Èk apwé mandé kongwigasyon-an:
Ki mannyè ègzanp Inòk té édé papa-a fè bon disizyon èk konpòté kò’y byen lè konmin li té ni vyolans?—Hibrou 11:5
Délè an Kwityen pé santi i ni pou fè sa i pé pou pwotéjé kò’y ében popyétè’y. Mé, i ni pou pwan bon pwokosyon pou’y pa tjwé moun-lan.—Sam 51:14; gadé “Questions From Readers” an Gad-la, Jwiyèt 2017.
9. Kanmpéyn Pou Mémoriyal-la Kay Koumansé Sanmdi, Li 2 Mas
(5 minit) Yon ansyen kay bay diskou sala. Di kongwigasyon-an sé awanjman-an ki an plas pou kanmpéyn Mémoriyal-la, pou diskou spésyal-la, èk pou Mémoriyal-la. Fè sé fwè èk sè-a chonjé yo sa piyonnè òkzilè diwan mwa Mas èk Avwi èk yo sa mété kenz (15) nèditan.
10. Létid Labib Nou
(30 minit) bt chapit 6 pawagwaf 9-17