LI 4-LI 10 MAS
SAMZ 16-17
Chanson 111 èk Lapwiyè | Pwèmyé Ti Pawòl (1 minit)
1. “[Jéhova,] Sé Ou Ki Ban Mwen Tout Sé Bon Bagay-la Mwen Ni-an”
(10 minit)
Lè jan nou sé moun ki ka sèvi Jéhova, sa ka ban nou tjè kontan. (Sam 16:2, 3; w18.12-E 26 ¶11)
Lè nou sav Jéhova sé jan nou, sa ka ban nou tjè kontan. (Sam 16:5, 6; w14-E 2/15 29 ¶4)
Lè nou sav Jéhova ka pwotéjé wilasyon nou épi’y, sa ka fè nou santi sòv. (Sam 16:8, 9; w08-E 2/15 3 ¶2-3)
Lè adowasyon nou pou Jéhova sé bagay-la ki pli enpòtan an lavi nou, nou sa ni an bon lavi menm kon David. Èk sa sé paski, sé Jéhova ki ka ban nou tout sé bon bagay-la nou ni-an.
MANDÉ KÒ’W: ‘Kon’w an lavéwité-a apwézan, an ki mannyè lavi’w pli mèyè?’
2. Fouyé Bib-la Pou Twapé Wichès
(10 minit)
Sam 16:2, 4—Ki mannyè David té santi konsèné lwa èk pwensip Jéhova? Èk pouki i té santi kon sa? (w18.12-E 27 ¶16)
Ki bèl ti pwen ou twapé an Samz 16-17 ou vlé patajé épi kongwigasyon-an?
3. Li On Pòsyon An Bib-la
(4 minit) Louk 19:11-27 (th lison 5)
4. Mannyè Pou Koumansé An Konmézasyon
(1 minit) LÈ’W KA PWÉCHÉ KAY AN KAY. Ofè jan kay-la yon envitasyon pou Mémoriyal-la. (th lison 11)
5. Mannyè Pou Koumansé An Konmézasyon
(3 minit) LÈ’W KA PWÉCHÉ KAY AN KAY. Ofè jan kay-la yon envitasyon pou Mémoriyal-la. Si moun-lan moutwé lantéwé entwodwi èk diskité vidiyo-a, Chonjé Lanmò Jézi. (th lison 9)
6. Mannyè Pou Koumansé An Konmézasyon
(2 minit) BAY ON TÉMWENNAJ LÈ’W PA AN MINIS-LA. Ofè jan kay-la yon envitasyon pou Mémoriyal-la. (th lison 2)
7. Fè Disip
(5 minit) lff lison 14 entwodiksyon-an èk limowo 1-3 (th lison 6)
Chanson 20
8. Ki Mannyè Nou Sa Fè Pwépawasyon Pou Mémoriyal-la?
(15 minit) Diskasyon.
Nou ka obéyi koumand Jézi pou sélébwé lanmò’y, konsa asou Dimanch, li 24 Mas, nou kay fè sa. Èk sa kay édé nou chonjé lanmityé-a Jéhova èk Jézi ja moutwé nou. Anfen, yo sé dé moun-lan ki ja moutwé lézòm pli lanmityé. (Louk 22:19; Jan 3:16; 15:13) Alò, ki mannyè nou sa fè pwépawasyon pou lokazyon spésyal sala?
Fè tout sa ou pé an kanmpéyn-lan pou envité moun pou atandé Mémoriyal-la. Tjenn an lidé, ében ékwi non sé moun-lan ou vlé envité pou Mémoriyal-la. Si adan sé moun-lan pa ka wèsté an tèwitwa’w, ou sa alé asou jw.org pou twapé enfòmasyon konsèné lè-a èk lokasyon-an yo kay tjenn Mémoriyal-la an plas-la yo ka wèsté.
Diwan mwa Mas èk Avwi éséyé fè tout sa ou pé an minis-la. Ès ou sa piyonnè òkzilè diwan sé mwa sala? Chonjé ou sa mété kenz (15) èben twant (30) nèditan an sèvis-la.
Asou li 18 Mas, ou sa koumansé li ében kouté konsèné sèten bagay ki té fèt diwan dènyé simenn lavi Jézi asou latè-a. Asou paj 6-7, la ni on sèksyon “Li An Pòsyon An Bib-la Diwan Sézon Mémoriyal-la Pou Lanné 2024”. Konsa, ou sa désidé ki mizi enfòmasyon ou kay li ében kouté hòd sèksyon sala.
Asou jou Mémoriyal-la gadé pwogwanm spésyal-la Diskisyon Labib Lé Bonmaten asou jw.org.
Lè’w atandé Mémoriyal-la fè éfò-a pou byenvini moun ki ka atandé pou pwèmyé fwa-a èben fwè èk sè ki doubout atandé mitin. Osi fè tan pou palé épi yo apwé Mémoriyal-la pou wéponn népòt kèstyon yo pé ni. Èk fè awanjman pou vizité népòt moun ki atandé Mémoriyal-la ki vlé apwann pli.
Fè tan pou mèdité asou wanson-an ni avan èk apwé Mémoriyal-la.
Jwé VIDIYO-A Chonjé Lanmò Jézi. Apwé mandé kongwigasyon-an:
Ki mannyè nou sa sèvi vidiyo sala diwan kanmpéyn Mémoriyal-la?
9. Létid Labib Nou
(30 minit) bt chapit 6 pawagwaf 18-24, èk bwèt-la asou paj 48