LI 8-LI 14 AVWI
SAMZ 26-28
Chanson 34 èk Lapwiyè | Pwèmyé Ti Pawòl (1 minit)
1. Kisa David Té Fè Pou Fòtifyé Détèminasyon’y Pou Wèsté Fidèl Pou Jéhova?
(10 minit)
David té mandé Jéhova pou édé’y vini an pli mèyè moun. (Sam 26:1, 2; w04-E 12/1 14 ¶8-9)
David pa té fè jan épi moun ki pa té enmen Jéhova. (Sam 26:4, 5; w04-E 12/1 15 ¶12-13)
David té enmen adowé Jéhova. (Sam 26:8; w04-E 12/1 16 ¶17-18)
Magwé David té fè lèwè, i maché douvan Jéhova ‘épi tout tjè’y’. (1 Wa 9:4) Èk paski David té enmen Jéhova èk i té sèvi’y épi tout tjè’y, tout moun té sa wè i té fidèl pou Jéhova.
2. Fouyé Bib-la Pou Twapé Wichès
(10 minit)
Sam 27:10—Si bon jan nou tounen do yo asou nou, ki mannyè vèwsé sala sa soulajé nou? (w06-E 7/15 28 ¶15)
Ki bèl ti pwen ou twapé an Samz 26-28 ou vlé patajé épi kongwigasyon-an?
3. Li On Pòsyon An Bib-la
(4 minit) Jan 6:43-58 (th lison 2)
4. Mannyè Pou Koumansé An Konmézasyon
(2 minit) LÈ’W KA PWÉCHÉ KAY AN KAY. Sèvi an trak hòd Zouti Pou Fè Disip. (th lison 3)
5. Sa Pou Fè Lè’w Viwé Kozé Épi On Moun
(4 minit) LÈ’W KA PWÉCHÉ KAY AN KAY. Diskité kwèsyon-an ki dèyè trak-la ou té kité épi moun-lan. Osi, di moun-lan konsèné wèbsayt nou jw.org èk moutwé’y kéchòy i sa twapé asou wèbsayt-la. (lmd lison 9 limowo 3)
6. Diskou
(5 minit) lmd Lòt Enfòmasyon Ou Sa Li Ében Kouté (Pwèmyé Pa-a) limowo 3—Tit-la: La Pa Kay Ni Mové Tan Asou Latè-a Ankò. Latè-a Kay Vini On Pawadi. (th lison 13)
Chanson 128
7. Jenn Moun Ki Ka Viv An Lavi Ki Nèt
(15 minit) Diskasyon.
Jenn moun ki ka sèvi Jéhova ni pou twavay wèd pou tjenn kò yo hòd imowalité sèksyouwal. Sa pa ézé pou fè paski jenn moun pa pawfé èk lè moun jenn dézi-a pou ni sèks sa byen fò. Èk sa sa fè’y difisil pou yo fè sa ki dwèt. (Ronm 7:21; 1 Kòrint 7:36) Yo osi ni pou goumen kont chalè-a yo ka twapé pou ni sèks. Pou ègzanp, an fanm ében on nonm pé bay an jenn fwè chalè pou kouché épi’y. Ében, an nonm ében on fanm pé bay an jenn sésé chalè pou kouché épi’y. (Èfésòs 2:2) Alò, sé jenn moun nou-an ki ka kontiné obéyi Jéhova ka vwéman fè tjè nou kontan. Wi, yo ka lévé né nou.
Jwé VIDIYO-A Lavi Mwen Kon An Jenn Moun—Ki Mannyè Mwen Sa Goumen Kont Chalè-a Pou Ni Sèks Avan Mawiyaj? Èk apwé mandé kongwigasyon-an:
Ki chalè Cory èk Kamryn té ni pou aji épi?
Kisa ki wédé yo pou wèsté fidèl pou Jéhova?
Ki pwensip Bib ki sa wédé’w wèsté fidèl pou Jéhova menm kon Cory èk Kamryn?
8. Létid Labib Nou
(30 minit) bt chapit 8 pawagwaf 5-12