LI 19-LI 25 MÉ
PWOVÈB 14
Chanson 89 èk Lapwiyè | Pwèmyé Ti Pawòl (1 minit)
1. Katjilé Byen Asou Sa Ou Kay Fè Si Antouka An Dézas Fèt
(10 minit)
Pa kwè tout sa ou tann. (Pwovèb 14:15; w23.02 22-23 ¶10-12)
Pa dépan asou santiman’w, ében èspéyans ou an tan pasé. (Pwovèb 14:12)
Pa kouté moun ki ka widjèkté sé diwèksyon-an ògannizasyon Jéhova ka bay. (Pwovèb 14:7)
MÈDITÉ ASOU SA: Sé ansyen-an, ès ou pawé pou swiv diwèksyon èk pou apiyé asou Jéhova lè an dézas fèt?—w24.07 5 ¶11.
2. Fouyé Bib-la Pou Twapé Wichès
(10 minit)
Pwovèb 14:17—An ki mannyè ‘moun ka hayi moun-lan ki ka pwan tan pou byen katjilé’? (it-2-E 1094)
Ki bèl ti pwen ou twapé an Pwovèb 14 ou vlé patajé épi kongwigasyon-an?
3. Li On Pòsyon An Bib-la
(4 minit) Mafyou 10:16-31 (th lison 11)
4. Mannyè Pou Koumansé An Konmézasyon
(3 minit) LÈ’W KA PWÉCHÉ AN PIBLIK. Patajé kéchòy an Bib-la épi yon moun ki di’w i konsèné épi mannyè tout bagay ka vini chè. (lmd lison 3 limowo 3)
5. Sa Pou Fè Lè’w Viwé Kozé Épi On Moun
(4 minit) LÈ’W KA PWÉCHÉ KAY AN KAY. Ofè moun-lan yon piblikasyon asou an sijé i té antéwésé adan dènyé fwa-a zòt té palé. (lmd lison 9 limowo 4)
6. Fè Disip
(5 minit) Enkouwajé étidyan’w pou li Bib-la touléjou, èk moutwé’y mannyè pou fè’y. (th lison 19)
Chanson 126
7. Toujou Pwépawé Pou Si Antouka An Dézas Fèt
(15 minit) Diskasyon.
Yon ansyen kay fè pa sala. Si ou ni enfòmasyon hòd òfis bwanch-lan, ében hòd sé ansyen-an an kongwigasyon-an di kongwigasyon-an.
Kon nou ka viv an “dènyé tan-an”, nou sav nou kay èspéyansé pli difikilté. (2 Timòfi 3:1; Mafyou 24:8) Mé souvan, avan ében diwan an dézas, pèp Jéhova ka wisivwè diwèksyon ki sa édé sové lavi yo. Anfen, si nou fòtifyé lafwa nou apwézan, èk nou pwépawé sa nou bizwen pou lè an dézas fèt, sa sa sové lavi nou.—Pwovèb 14:6, 8.
Fòtifyé wilasyon’w épi Jéhova: Toujou fè tan pou li Pawòl Bondyé, èk pou fè létid pèsonnèl ou. Apwann diféwan mannyè ou sa pwéché. Èk si’w pa sa jwenn épi sé fwè èk sè-a pa pè. (Pwovèb 14:30) Paski Jéhova èk Jézi toujou la épi nou. Nou pa janmen pa kò nou.—od-E 176 ¶15-17
Pwépawé sé bagay-la ou kay bizwen: Chak moun an fanmi-an sipozé pwépawé an sak pou lè an dézas fèt. Osi chak fanmi sipozé ni asé manjé, glo, wimèd, èk lòt bagay, pou si antouka yo ni pou wèsté lakay yo pou an lonng tan.—Pwovèb 22:3; g17.5-E 4
Jwé VIDIYO-A Ès Ou Ja Fè Pwépawasyon Pou An Dézas? Èk apwé mandé kongwigasyon-an:
Ki mannyè Jéhova ka édé nou diwan an dézas?
Kisa nou sa fè apwézan pou pwépawé pou an dézas?
Ki mannyè nou sa édé lézòt moun lè yo èspéyansé an dézas?
8. Létid Labib Nou
(30 minit) bt chapit 26 pawagwaf 18-22, èk bwèt-la asou paj 209