LI 9-LI 15 JEN
PWOVÈB 17
Chanson 157 èk Lapwiyè | Pwèmyé Ti Pawòl (1 minit)
An Israelite couple enjoying a simple meal in a peaceful atmosphere
1. Enjwi Lapé An Mawiyaj Ou
(10 minit)
Ni madanm-lan ni mawi-a, ni pou fè tout sa yo pé pou tjenn lapé an mawiyaj yo. Èk yo kay twapé bennéfis si yo fè sa. (Pwovèb 17:1; gadé pòtwé-a ki asou)
Pa babyé konsèné ti bagay. (Pwovèb 17:9; g-E 9/14 11 ¶2)
Kontwolé kòlè’w. (Pwovèb 17:14; w08-E 5/1 10 ¶6–11 ¶1)
2. Fouyé Bib-la Pou Twapé Wichès
(10 minit)
Pwovèb 17:24—An ki mannyè ‘zyé moun-lan ki sòt-la ka dwivé toupatou an latè-a’? (it-1-E 790 ¶2)
Ki bèl ti pwen ou twapé an Pwovèb 17 ou vlé patajé épi kongwigasyon-an?
3. Li On Pòsyon An Bib-la
(4 minit) Mafyou 11:16-30 (th lison 10)
4. Mannyè Pou Koumansé An Konmézasyon
(3 minit) BAY ON TÉMWENNAJ LÈ’W PA AN MINIS-LA. (lmd lison 3 limowo 5)
5. Mannyè Pou Koumansé An Konmézasyon
(4 minit) LÈ’W KA PWÉCHÉ AN PIBLIK. Ofè moun-lan on létid Bib. (lmd lison 6 limowo 4)
6. Diskou
(5 minit) ijwbv-E atik 60—Tit-la: Kisa Pwovèb 17:17 Vlé Di? (th lison 13)
Chanson 113
7. Dévlopé Labitid Ki Ka Ankouwajé Bon Konminikasyon
(15 minit) Diskasyon.
I enpòtan pou tout moun an fanmi-an konminiké byen épi yonn a lòt pou yo sa ni lakontantman. Alò lè moun an fanmi-an ka santi konfòtab pou palé épi yonn a lòt, sa ka fè’y pli ézé pou sipòté yonn a lòt diwan tan ki difisil. (Pwovèb 15:22) Konsa, kisa ou sa fè pou édé chak moun an fanmi’w santi konfòtab pou di sa ki asou lidé yo, èk mannyè yo ka santi?
Pasé tan ansanm. (Ditonronnonmi 6:6, 7) Lè fanmi ka twavay, alé mitin, pwéché, èk ka ni an bon tan ansanm, tout sa ka édé pou fòtifyé lanmityé yo èk konfyans yo an yonn a lòt. Tout sa osi sa édé yo pou ni pli tan pou palé épi yonn a lòt. Èk délè, ou ni pou fè bagay lézòt moun an fanmi’w vlé fè, pito sa ou vlé fè. Mé chonjé, lanmityé-a ou ka moutwé fanmi’w ni an chay valè! (Filipay 2:3, 4) Alò, ki mannyè ou sa sèvi tan’w byen lè ou épi fanmi’w ka pasé tan ansanm?—Èfésòs 5:15, 16.
Jwé VIDIYO-A Swiv Diwèksyon Bib-la Pou Ni Lapé An Fanmiʼw—Fè Tan Pou Palé Épi Yonn A Lòt. Èk apwé mandé kongwigasyon-an:
Si nou ka sèvi pòtab nou twòp, ki mannyè sa sa afèkté konminikasyon an fanmi-an?
Ki lòt bagay ou apwann an vidiyo sala konsèné mannyè pou konminiké byen an fanmi-an?
Toujou pawé pou kouté. (Jémz 1:19) Si manmay sav lè yo palé épi pawan yo konsèné an bagay, pawan yo pa kay malkonpwann yo ében lévé faché, yo kay santi pli konfòtab pou di pawan yo mannyè yo ka santi. Konsa menm si manmay ou di’w kéchòy ki ka twakasé’w, fè tout sa ou pé pou pa lévé faché. (Pwovèb 17:27) Pito sa, kouté byen èk mété kò’w an plas li. Osi éséyé konpwann katjil li èk santiman’y, pou’w konnèt mannyè ou sa édé’y.
8. Létid Labib Nou
(30 minit) bt chapit 27 pawagwaf 19-22, èk bwèt-la asou paj 212