Ès Témwen Jéhova Sé Kwityen?

Absoliman! Èk la ni plizyè wézon poutji nou ka di sa:

• Nou ka swiv enstwiksyon Jézi èk ègzanp li.—1 Pita 2:21.

• Nou ka kwè Bondyé ka sèvi Jézi pou sové moun. Kon Twavay 4:12 ka di: “Sé [Jézi] yonn ki sa sové moun. Bondyé pa bay non pyès lòt moun an latè-a ki sa sové nou.”

• Pou yon moun vini an Témwen Jéhova, nou ka batizé’y an non Jézi.—Mafyou 28:18, 19.

• Nou ka pwédyé an non Jézi.—Jan 15:16.

• Nou ka vwéman kwè Jézi ni lotowité anho tout moun.—1 Kòrint 11:3.

Kanmenm, la ni an chay diféwans ant Témwen Jéhova èk lòt wilizyon ki ka di yo sé Kwityen. Pou ègzanp, nou pa ka kwè Jézi sé Bondyé, mé nou ka kwè Jézi sé Gason Bondyé. (Mak 12:29) Osi nou pa ka kwè lanm-lan pa sa mò, ében la ni an plas koté Bondyé kay fè moun soufè pou tout tan. An plis di sa, nou pa ka kwè sé moun-lan ki ka pwan douvan an ògannizasyon nou pli enpòtan pasé lézòt, èk nou pa ka ba yo gwo tit nonplis.—Ékléziyastis 9:5; Izikèl 18:4; Mafyou 23:8-10.