Ès Témwen Jéhova Ni Lwa Kont Sèten Pòtwé, Sèten Liv, Ében Sèten Chanson?

Non. Ògannizasyon nou pa ni lwa kont sèten pòtwé, sèten liv, ében sèten chanson. Poutji?

Bib-la ka ankouwajé chak moun pou ‘apwann diféwans-lan ant sa ki bon èk sa ki mové’.—Hibrou 5:14.

Bib-la ni pwensip ki sa édé on Kwityen pou désidé ki kalité anmizman i kay chwazi.a Mé, an tout sa nou ka fè, nou vlé toujou “apwann ki sa ki ka plè Bondyé”.—Èfésòs 5:10.

Bib-la ka enstwi ki, Bondyé bay tèt fanmi lotowité an fanmi-an. Konsa, yo ni dwa-a pou chwazi ki kalité anmizman ki apwopwiyab pou fanmi yo. (1 Kòrint 11:3; Èfésòs 6:1-4) Apa di awanjman sala, Bib-la pa ka bay pyès lòt moun lotowité-a pou fè lwa kont sèten pòtwé, sèten liv, ében sèten chanson pou Témwen Jéhova.—Galécha 6:5.