Jan Bondyé Kay Viv An Pawadi

Pawadi pa kay menm kon latè-a nou ka viv asou apwézan. Bondyé pa té janmen vlé wè latè-a plen épi twaka èvèk lapenn, èvèk soufwans. An tan pwochen-an, Bondyé kay fè latè-a an pawadi. Ki mannyè Pawadi kay yé? Annou gadé ki sa Bib-la ka di:

Bon moun. Jan Bondyé kay viv an Pawadi asou latè. Yo kay fè bon bagay bay yonn a lòt. Yo kay viv an ling épi diwèksyon Bondyé ki dwèt.—Provèb 2:21.

An chay manjé. An Pawadi, la pa kay ni pyès lafen. Bib-la di: “La kay ni an chay gwenn [ében, manjé] asou latè-a.”—Sam 72:16.

Bèl kay èvèk twavay pou enjwi. An Pawadi-a asou latè, chak fanmi kay ni an kay ki sa yo menm. Tout moun kay fè twavay ki ka vwéman mennen lakontantman.—Izaya 65:21-23.

Lapé owon latè. Moun pa kay goumen èvèk mò an ladjè ankò. Pawòl Bondyé di: “[Bondyé] ka mété an bout pou ladjè.”—Sam 46:8, 9.

Bon santé. Bib-la pwonmèt: “Pyès wézidan [an Pawadi] pa kay di: ‘Mwen malad.’ ” (Izaya 33:24) Osi, pyèsonn pa kay enfim ében avèg ében soud ében pa sa palé.—Izaya 35:5, 6.

An bout pou soufwans, lapenn, èvèk lanmò. Pawòl Bondyé di: “La pa kay ni lanmò ankò. La pa kay ni lapenn ében pléwé ében soufwans ankò, paski tout sé vyé bagay sala ja dispawèt.”—Wévélasyon 21:4.

Moun ki méchan kay dispawèt. Jehovah pwonmèt: [Mwen] “kay détwi sé méchan-an sòti an latè-a menm; èvèk lè’y vini pou sé sa ki twèt-la,” [mwen] “kay déwasiné yo sòti andidan’y.”—Provèb 2:22.

Moun kay enmen èvèk wèspèkté yonn a lòt. La pa kay ni pasdwa, moun ki abizan, vowasité, èvèk hayisans ankò. Moun kay vini ansanm èvèk viv an lilyon épi diwèksyon Bondyé ki dwèt.—Izaya 26:9.