“Lanmityé Sé Kawaktè Bondyé”

1. Bondyé sé lanmityé èvèk

I vlé nou fè menm kon li.

Kité lanmityé pou Bondyé

pousé tout sa nou ka fè.

Lè nou moutwé moun lanmityé

sa ka ban nou pli djèwté.

Si nou swiv ègzanp Jézi Kwi,

moun kay wè lanmityé nou.

2. Lanmityé Dyé ka pousé nou

pou moutwé lanmityé tou.

Dyé ka moutwé nou mannyè-a

pou moutwé lanmityé pi.

Lanmityé pa ni pyès lògèy

Lanmityé pa ka jalou.

Si nou enmen fwè èk sè nou,

nou ka imité Dyé nou.

3. Pa pou nou tjenn moun asou tjè.

Nou vlé toujou padonnen.

Ann’ kité Bondyé djidé nou

èk swiv pwensip li chak jou.

Enmen Bondyé; enmen pwochen’w;

Sé sa ki pli enpòtan.

Ann’ toujou moutwé lanmityé

menm kon Jéhova Dyé nou.