LISON 11

Ki Mannyè Ou Sa Twapé Pli Bennéfis Lè Ou Ka Li Bib-la?

Printed Edition

Imajiné ou vlé sèpé on gwo mòso tè, èk ou pa sav ki koté pou koumansé. Pitèt i kay pli ézé si’w fè’y piti an piti. An menm mannyè-a, Bib-la sé an gwo liv ki ni an chay enfòmasyon, mé si ou koumansé piti an piti ou sa fini li Bib-la. Mé pitèt ou ka katjilé: ‘Ki koté mwen kay koumansé? Ében ki mannyè mwen kay sa li Bib-la, lè mwen pa sa li èk ékwi?’ An lison sala nou kay konsidiwé diféwan bagay ou sa fè ki kay édé’w enjwi li èk étidyé Bib-la.

1. Pouki nou sipozé li Bib-la touléjou?

An moun ki ka li ‘lwa Jéhova’ ében Bib-la touléjou, kay ni djèwté èk yo kay ni siksé. (Li Sam 1:1-3.) Mé ou pa oblijé li Bib-la pou an chay nèditan touléjou. Ou sa annèk li an ti pòsyon an Bib-la pou déotwa minit èk éséyé pou fè sa chak jou. Pli ou fè éfò pou vini okouwan épi Pawòl Bondyé, sé pli ou kay enjwi li Bib-la.

2. Kisa ki kay édé’w twapé bennéfis lè ou ka li Bib-la?

Lè ou ka li Bib-la, ou bizwen pwan an ti pòz èk katjilé asou sa ou ka li pou ou vwéman konpwann li, lè sala ou kay twapé pli bennéfis. (Jòchwa 1:8) Pou édé’w ‘pansé’ ében katjilé kon’w ka li Bib-la, mandé kò’w sé kwèsyon sala: ‘Kisa mwen apwann konsèné Jéhova an vèwsé sala? Ki mannyè mwen sa sèvi sa mwen apwann an lavi mwen? Ki mannyè mwen sa sèvi sé vèwsé sala pou édé lézòt moun?’

3. Ki mannyè ou sa fè tan pou li Bib-la?

An chay di nou ka twapé’y difisil pou fè tan pou li Bib-la. Ès sa sé sitiwasyon’w? Èfésòs 5:16 di: “Tout chans zòt jwenn fè sa ki bon.” Konsa, magwé i pa ézé, ou sa éséyé pou fè an ti tan chak jou pou li Bib-la. Adan moun ka fè tan pou li Bib yo bonnè bonmaten. Lézòt ka fè’y pli ta an lajounen-an, pitèt lè yo ka pwan déjiné yo. Épi la ni lézòt moun ki ka li Bib yo lé swè avan yo alé kouché. Ki lè ou kwè ki kay pli bon pou’w li Bib-la?

ANNOU APWANN PLI

Apwézan, annou apwann mannyè ou sa enjwi sa ou ka li an Bib-la. Èk ou kay apwann mannyè pou pwépawé byen, pou ou sa twapé pli bennéfis hòd létid Bib ou.

Collage: A boy learning to like a certain type of food over a period of time. 1. The boy plays with the food. 2. Later in life, the boy eats the food. 3. Slightly older, the boy enjoys eating the food. — Menm kon nou sa apwann pou enjwi manjé nou pa janmen manjé avan, nou sa apwann pou enjwi li Bib-la

4. Apwann mannyè-a pou enjwi li Bib-la

I pa kay ézé pou koumansé li Bib-la. Kanmenm, ou sa apwann pou enjwi li Bib-la, menm kon ou sa apwann pou enjwi manjé ou pa janmen manjé avan. Annou li 1 Pita 2:2, èk apwé nou kay kozé asou sé kwèsyon sala:

Si ou fè éfò-a pou li Bib-la touléjou, ès ou kwè ou té kay enjwi sa? Ès ou té kay vlé kontiné li Bib-la touléjou?

Annou gadé VIDIYO-A, Jenn Moun Ki Ja Apwann Pou Enjwi Pawòl Bondyé pou wè mannyè adan jenn moun té koumansé enjwi li Bib-la. Èk apwé nou kay kozé asou sé kwèsyon sala:

VIDIYO: Jenn Moun Ki Ja Apwann Pou Enjwi Pawòl Bondyé (5:33)

An vidiyo-a, ki difikilté adan jenn moun té ni lè’y vini pou li Bib-la?
Kisa ki té édé yo pou kontiné li Bib-la?
Kisa sé jenn moun-lan té fè pou édé yo enjwi li Pawòl Bondyé pli?

Yonndé ti pwen pou édé’w koumansé li Bib-la:

Chwazi on Bib ki aplon, èk ki ézé pou konpwann. Ou sa li Labib New World Translation si ou ka konpwann Anglé.
Ou sa li an pa an Bib-la ki ka antéwésé’w pli. Gadé ti sèksyon-an an koumansman liv sala “On Ti Èd Pou Koumansé Li Bib-la.”
Matjé sa ou ja li. Sèvi ti sèksyon-an “Chonjé Koté Ou Yé An Bib-la” ki an bout liv sala.
Sèvi app-la JW Library^®. Ou sa sèvi pòtab ou, ében an lòt bagay ilèktronnik pou li èk kouté Bib-la, népòt koté ou yé.
Sèvi sé appendix-la ki an Labib New World Translation. La ou kay twouvé kat, pòtwé, diagwam, èk lòt bagay ki sa édé’w enjwi li Bib-la pli.

5. Pwépawé byen pou létid ou

Annou li Sam 119:34, èk apwé nou kay kozé asou kwèsyon sala:

Pouki i bon pou’w pwédyé avan ou koumansé li Bib-la, épi avan ou koumansé pwépawé pou létid Bib ou?

Kisa ou sa fè pou’w jwenn pli bennéfis an létid Bib ou? Kon’w ka pwépawé on lison, éséyé pou fè sé bagay sala:

Li sé pawagwaf-la ki an koumansman lison-an.
Li sé lévanjil-la, èk éséyé pou konpwann pouki sé lévanjil sala an pawagwaf-la.
Mété on mak ében on koulè asou sé mo pawòl-la ki ka wéponn chak kwèsyon. Lè ou fè sa, sa kay édé’w chonjé sé wépons-lan pou sé kwèsyon-an.

Collage: A woman preparing for her Bible study session. A. She reads the first page of the lesson. B. She reads the cited scriptures from the Bible. C. She highlights key words and phrases in the lesson.

Ès ou té sav?

Témwen Jéhova ja sèvi plizyè diféwan Bib. Kanmenm, nou simyé Labib New World Translation of the Holy Scriptures paski i aplon, i byen ézé pou konpwann, èk i ni non Bondyé adan’y.—Gadé atik-la asou jw.org “Ès Témwen Jéhova Ni Bib Yo Menm?”

ADAN MOUN KA DI: “Mwen pa ni tan pou étidyé Bib-la.”

Kisa ou kwè, ès i ka pwan twòp tan pou étidyé Bib-la?

CHONJÉ SÉ PWEN SALA

Pou twapé pli bennéfis hòd Bib-la, fè tan pou li’y ében kouté’y. Pwédyé èk mandé Bondyé pou édé’w konpwann sa’w ka li èk tann. Osi, pwépawé byen pou létid Bib ou.