LISON 17
Ki Kalité Moun Jézi Yé?
Nou ka wè bèl kawaktè Jézi, lè nou apwann konsèné sé bagay-la i té di èk i té fè lè’y té asou latè-a. Lè nou wè sé bèl kawaktè-a Jézi té ni-an, sa ka fè nou vlé vini pwé Jézi, èk pwé Jéhova osi. Ki bèl kawaktè Jézi té ni? Ki mannyè nou sa imité sé bèl kawaktè sala an lavi nou?
1. An ki diféwan mannyè Jézi menm kon Papa’y?
Pou plizyè bilyon lanné, Jézi té an syèl épi Papa’y. Alò, i té sa òbzòvé èvèk apwann anba Papa’y. Sé pou wézon sala i ka katjilé kon Papa’y, santiman’y menm kon santiman Papa’y, èk i ka fè menm kon Papa’y. (Li Jan 5:19.) Anfen, Jézi té imité kawaktè Papa’y tèlman byen, i té sa di: “Népòt moun ki ja wè mwen ja wè Papa-a.” (Jan 14:9) Konsa, kon’w ka apwann konsèné Jézi, ou kay vini konnèt Jéhova pli mèyè. Pou ègzanp, Jézi té moutwé moun an chay konpasyon, alò, sa ka moutwé mannyè Jéhova ni konpasyon pou ou.
2. Ki mannyè Jézi té moutwé i enmen Jéhova?
Jézi di: “Mwen vlé sé jan latè-a sav mwen enmen Papa-a. Sé pou sa mwen ka fè tout sa i konmandé mwen.” (Jan 14:31) Lè Jézi té asou latè-a, i obéyi Papa’y an tout bagay. Jis an bagay ki pa té ézé. An mannyè sala, i moutwé mizi enmen i enmen Papa’y. Osi, paski Jézi té enmen Jéhova si tèlman, i té ka toujou palé konsèné’y. Èk i té édé moun pou ni an bon wilasyon épi Jéhova.—Jan 14:23.
3. Ki mannyè Jézi moutwé i enmen lézòm?
Bib-la di Jézi ‘kontan lézòm an chay’. (Pwovèb 8:31) Jézi moutwé i enmen lézòm lè i té ankouwajé yo èk édé yo. Sé miwak-la Jézi té fè-a té ka moutwé mizi konpasyon i ni pou moun. (Mak 1:40-42) Jézi pa té ni pwéféwans, konsa i twété tout moun byen. Pawòl li té konsolé moun ki té ni tjè onnèt, èk i té ba yo èspwa. Jézi enmen tout lézòm, alò, i té soufè èk mò pou yo. Mé i ni pli lanmityé pou moun ki ka swiv konmandman’y.—Li Jan 15:13, 14.
ANNOU APWANN PLI
Apwézan, annou apwann pli konsèné kawaktè Jézi. Èk nou kay apwann mannyè nou sa moutwé lanmityé èk mannyè nou sa donnan, menm kon Jézi.
4. Jézi enmen Papa’y
Ègzanp Jézi ka enstwi nou mannyè pou moutwé nou enmen Jéhova. Annou li Louk 6:12, Jan 15:10 èk Jan 17:26. Apwé nou li chak lévanjil, nou kay kozé asou kwèsyon sala:
Ki mannyè nou sa swiv ègzanp Jézi èk moutwé nou enmen Jéhova?
Jézi moutwé i enmen Papa’y èk i té ka palé épi’y souvan an lapwiyè
5. Jézi konsèné épi lé maléwé
Jézi té konsèné épi lézòt pli pasé i té konsèné épi kò’y. Menm si i té las, i té ka sèvi tan’y èk fòs li pou édé moun. Annou li Mak 6:30-44, èk apwé nou kay kozé asou sé kwèsyon sala:
6. Jézi té donnan
Magwé Jézi pa té ni an chay bagay, i sépawé sa i té ni épi lézòt. Konsa, Jézi ka ankouwajé nou pou sépawé sa nou ni épi lézòt osi. Annou li Twavay 20:35, èk apwé nou kay kozé asou kwèsyon sala:
Silon sa Jézi di an lévanjil sala, ki mannyè nou sa ni djèwté?
Annou gadé VIDIYO-A, èk apwé nou kay kozé asou kwèsyon sala:
An ki diféwan mannyè nou sa donnan, menm si nou pa ni djè bagay?
Ès ou té sav?
Bib-la ka di nou pou pwédyé bay Jéhova an non Jézi. (Li Jan 16:23, 24.) Lè nou pwédyé an mannyè sala, nou ka moutwé nou apwésyé sa Jézi fè pou édé nou vini jan épi Jéhova.
ADAN MOUN KA DI: “Bondyé pa mélé lè nou ka soufè.”
Jézi ni menm kawaktè épi Papa’y. Konsa, ki mannyè sa Jézi té fè asou latè-a ka moutwé Jéhova mélé épi nou?
CHONJÉ SÉ PWEN SALA
Jézi enmen Jéhova, èk i enmen lézòm. Osi, Jézi ni menm kawaktè épi Papa’y. Konsa pli nou vini konnèt Jézi, sé pli nou kay vini konnèt Jéhova.
Annou Wivizé Sa Nou Ja Apwann
Ki mannyè nou sa moutwé nou enmen Jéhova menm kon Jézi?
Ki mannyè nou sa moutwé moun lanmityé menm kon Jézi?
Kilès an sé kawaktè-a Jézi ni-an ou enmen pli?
LÒT ENFÒMASYON OU SA GADÉ
Ègzanminé ywit (8) kawaktè Jézi nou sa imité.
“Pou Imité Jézi, Nou Ni Pou . . .” (Jesus—The Way, the Truth, the Life, paj 317)
Apwann pouki i byen enpòtan pou nou pwédyé an non Jézi.
“Pouki Nou Ni Pou Pwédyé An Non Jézi?” (Gad-la, li 1 Févwiyé, 2008)
Kisa Bib-la ka di konsèné lapawans Jézi?
Kisa nou sa apwann an mannyè-a Jézi té twété fanm?
“Fanm Ni Wèspé Èk Lonnè Anba Pwotèksyon Bondyé” (Gad-la, li 1 Sèptanm, 2012)