Ki Mannyè Fanmiʼw Sa Ni Lakontantman?​—Dézyenm Pa-a

Manmay sé an kado hòd Jéhova. Konsa, Jéhova vlé pawan otjipé kado sala byen èk i ba yo bon konsèy pou édé yo fè sa. Osi, konsèy li ka moutwé manmay sa yo ni pou fè pou édé fanmi yo ni lakontanman.

1. Ki konsèy Jéhova bay pawan?

Jéhova vlé pawan enmen manmay yo, épi pasé an chay tan épi yo. Osi, i vlé pawan pwotéjé manmay yo, épi pou sèvi pwensip Bib pou entwennen yo. (Pwovèb 1:8) Jéhova di sé papa-a: “Lévé [ich ou] adan an bon mannyè épi enstwi yo menm kon an moun ki ka kwè an Senyè-a sipozé fè.” (Li Èfésòs 6:4.) Alò, pawan pa sipozé kité wèskonsabilité yo pou lévé ich yo bay on lòt moun. Anfen lè pawan swiv diwèksyon Jéhova, èk pwan wèskonsabilité pou lévé manmay yo, Jéhova ka byen kontan.

2. Ki konsèy Jéhova bay manmay?

Jéhova di manmay: “Toujou obéyi manmanʼw épi papaʼw.” (Li Kòlòsé 3:20.) Lè manmay ka obéyi èk wèspèkté pawan yo, yo ka fè Jéhova épi pawan yo kontan. (Pwovèb 23:22-25) Jézi kité an bon ègzanp pou ti manmay. Magwé i té pawfé èk pawanʼy pa té pawfé, lèʼy té piti i té ka obéyi èk wèspèkté yo.​—Louk 2:51, 52.

3. Ki mannyè tout moun an fanmi-an sa ni an bon wilasyon épi Jéhova?

Siʼw sé an pawan, san dout, ou vlé manmay ou enmen Jéhova menm kon ou enmenʼy. Kisa ou sa fè pou édé manmay ou enmen Jéhova? Ében, ou sa fè sa Bib-la di an Ditonronnonmi 6:7: ‘Sé pou zòt fè [Pawòl Bondyé] antwé tjè sé ich zòt-la, épi palé konsèné yo lè zòt asiz an kay zòt, épi lè zòt ka maché asou chimen-an.ʼ Pou fè an bagay ‘antwé tjèʼ an moun ou ni pou wépétéʼy. Asiwé ou sav siʼw vlé ich ou chonjé an bagay, ou ni pou wépétéʼy souvan. Konsa, lévanjil sala ka di pawan pou toujou gadé pou lokazyon pou palé épi manmay yo konsèné Jéhova. Alò, i bon pou fè tan chak simenn pou étidyé Bib-la kon yon fanmi. Menm si ou pa ni ich, ou sa twapé bennéfis lèʼw pwan tan chak simenn pou étidyé Pawòl Bondyé.

ANNOU APWANN PLI

4. Entwennen manmay ou épi lanmityé

I pa ézé pou entwennen manmay. Konsa, ki mannyè Bib-la sa édé pawan? Annou li Jémz 1:19, 20, èk apwé nou kay kozé asou sé kwèsyon sala:

• Ki mannyè pawan sa moutwé manmay yo lanmityé lè yo ka palé épi yo?

• Pouki pawan pa sipozé disipliné manmay yo lè yo faché?a

5. Pwotéjé manmay ou

Pou pwotéjé manmay ou, i byen enpòtan pouʼw palé épi chak di yo konsèné sèks. Mé pitèt sa pé difisil pouʼw fè. Annou gadé VIDIYO-A, Sé Pou Ou Pwotéjé Ich Ou Kont “Sa Ki Mové” èk apwé nou kay kozé asou sé kwèsyon sala:

VIDIYO: Sé Pou Ou Pwotéjé Ich Ou Kont “Sa Ki Mové” (2:58)

• Pouki i difisil pou adan pawan palé épi manmay yo konsèné sèks?

• An ki mannyè adan pawan ja palé épi manmay yo konsèné sèks?

Latè-a anba pouvwa Satan ka vini pli mové jou an jou, menm kon Bib-la té di. Annou li 2 Timòfi 3:1, 13, èk apwé nou kay kozé asou sé kwèsyon sala:

• Anpami “sé mové lam-lan” vèwsé 13 mansyonnen, sé moun ki ka abizé manmay. Alò, pouki i enpòtan pou pawan enstwi ich yo konsèné sèks? Èk osi, pouki i enpòtan pou pawan enstwi ich yo konsèné mannyè pou pwotéjé kò yo hòd moun ki ka abizé manmay?

Ès ou té sav?

Témwen Jéhova ni an chay piblikasyon pou édé pawan enstwi ich yo konsèné sèks èk pou édé pawan pwotéjé manmay yo hòd moun ki ka abizé manmay. Pou ègzanp, gadé:

• Pwotéjé Manmay Ou (vidiyo)

• Learn From the Great Teacher, chapit 10 èk 32

• “Teaching Your Child About Sex” (Awake! Limowo 5 2016)

6. Wèspèkté pawanʼw

VIDIYO: Ki Mannyè Mwen Sa Palé Épi Pawan Mwen? (2:19)

• Pouki i enpòtan pou an jenn moun moutwé pawanʼy wèspé lèʼy ka palé épi yo?

• Ki mannyè an jenn moun sa palé épi pawanʼy adan an mannyè ki ka moutwé yo wèspé?

Annou li Pwovèb 1:8, èk apwé nou kay kozé asou kwèsyon sala:

• Kisa an jenn moun sipozé fè lè pawanʼy diʼy pou fè an bagay?

7. Étidyé Bib-la kon an fanmi

Toulé simenn, chak fanmi Témwen Jéhova ni an lè èk an jou pou fè létid fanmi yo. Ki mannyè sé fanmi sala ka fè létid fanmi yo? Annou gadé VIDIYO-A, Létid Fanmi​—Sé Difikilté-a Èk Sé Bennéfis-la èk apwé nou kay kozé asou sé kwèsyon sala:

VIDIYO: Létid Fanmi​—Sé Difikilté-a Èk Sé Bennéfis-la (8:04)

• Kisa an fanmi sa fè pou tjenn létid fanmi-an chak simenn?

• Kisa pawan sa fè pou tout moun an fanmi-an enjwi èk twapé bennéfis hòd létid fanmi-an?​—Gadé pòtwé-a an koumansman lison sala.

• Kisa ki sa fèʼy difisil pou fanmiʼw étidyé Bib-la ansanm?

An tan lontan Jéhova té toujou vlé fanmi fè tan pou palé konsèné lévanjil-la. Annou li Ditonronnonmi 6:6, 7, èk apwé nou kay kozé asou kwèsyon sala:

• Ki mannyè ou sa swiv pwensip sala?

Yonndé bagay ou sa fè pou létid fanmiʼw:

• Pwépawé pou sé mitin-lan.

• Li yon wakont an Bib-la fanmiʼw kay enjwi èk diskitéʼy.

• Siʼw ni ti manmay, ‘downloadʼ ében enpwimé aktivité pou manmay asou jw.org.

• Siʼw ni jennès, diskité yon atik pou jennès asou jw.org.

• Chwazi yon listwa an Bib-la, èk ou épi manmay ou sa fè sa sé moun-lan an listwa-a té fè, èvèk di sa yo té di.

• Gadé èk diskité on vidiyo asou jw.org.

CHONJÉ SÉ PWEN SALA

Jéhova vlé pawan enmen, entwennen, èk pwotéjé manmay yo. Osi i vlé manmay wèspèkté èk obéyi pawan yo. Èk i vlé fanmi étidyé Bib-la ansanm.

Annou Wivizé Sa Nou Ja Apwann

• Ki mannyè pawan sa entwennen èk pwotéjé manmay yo?

• Ki mannyè manmay sa moutwé yo ka wèspèkté pawan yo?

• Lè an fanmi pwan tan chak simenn pou étidyé Bib-la ansanm, ki bennéfis yo ka twapé?

LÒT ENFÒMASYON OU SA GADÉ

Kisa ou sa fè pou pwépawé ti manmay ou pou lèʼy vini gwan?

“Sis (6) Lison Manmay Bizwen Apwann” (Awake! Limowo 2 2019)

Apwann bon konsèy Bib-la ka ba moun ki ka otjipé pawan yo ki an laj.

“Ki Konsèy Bib-la Ka Bay Moun Ki Ka Otjipé Pawan Yo Ki An Laj?” (yon atik asou jw.org)

Gadé vidiyo sala pou wè mannyè yon nonm té apwann mannyè pou lévé ich li.

Jéhova Moutwé Nou Mannyè Pou Lévé Ich Nou (5:58)

Konsidiwé mannyè papa sa fòtifyé wilasyon yo épi gason yo.

“Ki Mannyè Papa Sa Wèsté Pwé Gason Yo?” (Gad-la, li 1, Novanm 2011)