Kité Konmézasyon-an Dévlopé Adan An Mannyè Ki Natiwèl

Mannyè Filip Té Kité Konmézasyon-an Dévlopé Adan An Mannyè Ki Natiwèl

VIDIYO: Filip Ka Pwéché Bay An Nonm Ki Té Ni An Gwo Pozisyon An Péyi Ifiyopiya

1. Gadé VIDIYO-A, Filip Ka Pwéché Bay An Nonm Ki Té Ni An Gwo Pozisyon An Péyi Ifiyopiya ében li ében kouté Twavay 8:​30, 31. Èk apwé nou kay kozé asou dé (2) kwèsyon:

1. Ki mannyè Filip té koumansé konmézasyon-an?

2. Pouki mannyè-a Filip té koumansé konmézasyon-an té natiwèl? Èk kisa ki té wézilta-a?

Kisa Nou Apwann Hòd Ègzanp Filip?

2. Ében, si nou kité konmézasyon-an dévlopé adan an mannyè ki natiwèl, moun-lan kay santi pli alèz pou palé épi nou, èk i kay vlé kouté bon nouvèl-la.

Swiv Ègzanp Filip

3. Òbzòvé moun-lan byen. Nou sa apwann an chay bagay konsèné moun-lan lè nou gadé konpòtman’y, sin i ka fè épi lanmen’y, èk èspwèsyon-an asou fidjay li. Ès i ka sanm moun-lan vlé palé épi’w? Ében si moun-lan vlé palé épi’w, ou sa mandé’y an ti kwèsyon pou koumansé an konmézasyon asou Bib-la. Pou ègzanp ou sa mandé’y: “Ès ou té sav . . . ?” Mé si ou wéyalizé moun-lan pa vlé palé épi’w, pa fòsé’y pou palé.

4. Sé pou ou ni pasyans. Ou pa oblijé palé konsèné Bib-la la menm. Mé ou sa èspéwé pou an bon monman pou entwodwi an lévanjil adan an mannyè ki natiwèl. Èk délè, ou pé ni pou èspéwé pou ni on lòt konmézasyon épi moun-lan pou patajé an lévanjil épi’y.

5. Toujou pawé pou fè chanjman. Délè moun-lan pé koumansé palé konsèné an bagay ou pa té ka èspéwé. Alò népòt sa moun-lan vlé palé asou, toujou pawé pou patajé kéchòy épi moun-lan ki kay sa édé’y, menm si ou ni pou chanjé pwézantasyon-an ou té ja pwépawé-a.