WICHÈS KI AN BIB-LA | LIVITIKÒS 4-5

Bay Jéhova Pli Mèyè’w

5:5-7, 11

Menm si an moun té pòv an Izwayèl, I té ni pwivilaj-la pou’y fè lapé épi Jéhova. Jis moun ki té pli pòv an Izwayèl té sa bay Jéhova an sakwifis I té kay aksèpté, dépi sa yo té bay té pli mèyè yo. Yo té sa jis ofè fawin fwans, mé Jéhova té vlé yo ofè ‘bon kalité fawin fwans’, kalité-a yo té kay sèvi pou étwanjé ki enpòtan. (Jen. 18:6) Jòdi jou, Jéhova ka aksèpté sé bon sakwifis-la nou ka bay, sa sé lè nou ‘sèvi bouch nou pou glowifyé’y’, menm si sitiwasyon nou pa ka pèwmité nou pou fè tout sa nou té kay vlé fè bay Jéhova.—Hib. 13:15. (New World Translation)

Koumannyè sa sa enkouwajé’w si ou pa sa fè tout sa ou té ka fè avan, paski santé’w pa bon ében ou pa fò kon avan?

Sé pòtwé-a: Dé sésé ka bay pli mèyè yo ‘lè yo sèvi bouch yo pou glowifyé’ Jéhova. 1. An sésé ki ka wann sèvis adan an lòt langaj ka palé bay yon madanm an laplas-la. 2. An sésé ki an laj ka ékwi lèt lakay li.