Ès Ou Pawé Pou Plen Fòm-lan Pou Lékòl-la Pou Pwoklanmatè Wéyòm-lan?

Ès laj ou ant 23 pou 65 lanné? Ès ou ka wann sèvis an plen? Ès ou an bon santé? Ès ou ni abilité-a pou wann sèvis an népòt plas ki bizwen pli èd? Si ou wéponn wi pou sé kat kwèsyon sala, ès ou ja konsidiwé pou plen fòm-lan pou Lékòl-la Pou Pwoklanmatè Wéyòm-lan? Plizyè mil fwè èk sè ki mayé, èk osi fwè èk sè ki pa mayé, ja plen fòm-lan pou atandé lékòl-la. Kanmenm, nou bizwen pli fwè ki pa mayé pou plen fòm-lan. Mandé Jéhova pou ba’w dézi-a pou plen fòm-lan èk pou imité gason’y Jézi. (Sam 40:8; Maf. 20:28; Hib. 10:7) Apwé, konsidiwé obligasyon ou ni, tèl kon wèskonsabilité’w an fanmi’w, twavay sékilè’w, ében si ou ni dèt. Si sa sé sitiwasyon’w, ès ou sa fè chanjman pou ou sa kwalifyé?

An ki diféwan mannyè èk an ki diféwan koté moun ki wisivwè étwennman sala ja wann sèvis? Adan di yo ka wann sèvis koté moun ka palé an lòt langaj, ében yo ka sèvi kat-la pou pwéché adan gwo vil. Adan di yo ka wann sèvis an plen kon ansyen-an pou sékyout-la ében kon misyonnè. Osi, tanzantan adan di yo ka wann sèvis kon ansyen-an pou sékyout-la lè ansyen-an pou sékyout-la pa avélab. Kon ou ka katjilé asou sé diféwan bagay-la ou sa fè an sèvis Jéhova, ni menm atitid-la pwofèt Izaya té ni lè I té di: “Mi mwen la! Voyé mwen!”—Izay. 6:8.

GADÉ VIDIYO-A SÉ MISYONNÈ-A: YO SÉ TWAVAYÈ AN WÉKÒT-LA, ÈK APWÉ WÉPONN SÉ KWÈSYON SALA:

• 

  Kouman yo ka chwazi sé misyonnè-a?

• 

  Ki bon twavay sé misyonnè-a ka fè?

• 

  Ki bennédiksyon twavay misyonnè ka mennen?