Ki koté ou yé asou chimen-an pou batenm?
LAVI NOU KON KWITYEN
Fè Disizyon-an Pou Sèvi Jéhova
Si ou sé an jenn pwoklanmatè ki pòkò batizé, ében on étidyan Bib, ès ou ka twavay pou’w sa kwalifyé pou batenm? Pouki ou sipozé batizé? Paski dèdikasyon èk batenm sé koumansman an wilasyon spésyal épi Jéhova. (Sam 91:1) Èk, yo ka mété nou asou chimen-an pou jwenn salvasyon. (1 Pita 3:21) Ki sa ou ni pou fè pou ou kwalifyé pou batenm?
Fè asiwé ou pa ni pyès dout konsèné lavéwité-a. Kon sa, lè kwèsyon vini an lidé’w, fè wichach pou twapé wépons pou sé kwèsyon sala. (Ronm 12:2) Idantifyé chanjman ou bizwen fè an lavi’w, épi fè asiwé ou vlé fè sé chanjman sala paski ou vlé plè Jéhova. (Pwov. 27:11; Èfés. 4:23, 24) Toujou pwédyé pou Jéhova édé’w. Èk ni asiwans-lan Jéhova kay fòtifyé’w èk sipòté’w épi lisentèspwi’y. (1 Pita 5:10, 11) Sé éfò-a ou ka fè pou ou sa kwalifyé pou batenm, pa an ven. Paski lè’w ka sèvi lavi’w pou plè Jéhova, sa sé pli mèyè lavi-a!—Sam 16:11.
GADÉ VIDIYO-A CHIMEN-AN POU BATENM, ÈK APWÉ WÉPONN SÉ KWÈSYON SALA:
Ki tjalinj adan moun ja ganyen a bout pou yo sa kwalifyé pou batenm?
Ki mannyè ou sa dévlopé lafwa-a ou bizwen pou’w dèdiké lavi’w bay Jéhova?
Ki sa ki ja motivé adan moun pou fè sa ki nésésè pou yo sa kwalifyé pou batenm?
Ki mannyè Jéhova ka benni moun ki fè disizyon-an pou sèvi’y?
Ki sa dèdikasyon èk batenm vlé di?