Sèvi Ou Sa Ni On Bon Lavi Pou Tout Tan! Lè Ou Ka Pwéché

Pa dé kontan nou kontan pou ni dé piblikasyon nèf pou fè létid Bib! An liv èk an ti liv. Konsa, nou ka pwédyé pou bennédiksyon Jéhova asou éfò nou pou fè pli disip. (Maf. 28:18-20; 1 Kòr. 3:6-9) Ki mannyè nou sa sèvi sé piblikasyon nèf sala?

Mannyè liv-la awanjé ka édé nou pou enstwi moun adan an mannyè ki nèf. Alò swiv sé djid sala lè’w ka pwépawé pou létid Bib-la, èk lè’w ka fè létid Bib-la.a

• Li enfòmasyon-an, èk diskité sé kwèsyon-an.

• Li sé lévanjil-la ki ékwi “li” douvan yo. Èk osi, édé étidyan Bib-la pou konpwann mannyè sé lévanjil sala ka sipòté enfòmasyon-an.

• Jwé èk diskité sé vidiyo-a, èk mandé sé kwèsyon-an yo ban nou pou sé vidiyo-a.

• Éséyé pou fè yon lison chak fwa ou étidyé épi moun-lan.

Pou détèminé si moun-lan antéwésé an Bib-la, ofè’y ti liv-la. (Gadé bwèt-la “Mannyè Pou Ofè Ti Liv-la Ou Sa Ni On Bon Lavi Pou Tout Tan! Asou Pwèmyé Ti Kozé-a.”) Si ou fini étidyé ti liv-la épi étidyan Bib-la, èk i vlé kontiné étidyé, ou sa ofè’y liv-la èk koumansé asou lison 04. Si’w ka sèvi ti liv-la Bon Nouvèl, ében liv-la Sa Nou Sa Apwann An Bib-la—Sé Wézimé-a pou fè létid Bib, doubout sèvi sé liv sala èk sèvi liv-la Ou Sa Ni On Bon Lavi Pou Tout Tan!. Mé ou ni pou détèminé ki koté pou koumansé an liv-la.

GADÉ VIDIYO-A BYENVINI POU LÉTID BIB OU, ÈK APWÉ WÉPONN SÉ KWÈSYON SALA:

• Kisa étidyan Bib kay apwann an liv nèf sala?

• Pouki nou sipozé moutwé étidyan Bib nèf vidiyo sala?

• Kisa ou sa ankouwajé étidyan Bib-la pou fè pou i sa fè pwogwé?—Gadé sèksyon-an “Sa Ou Kay Apwann Èk Sa Ou Sa Fè An Chak Sèksyon”