Kisa Nou Sa Apwann An Ègzanp Sanmyèl?

Sanmyèl té wèsté fidèl pou Jéhova pou tout lavi’y. Kon yon tibway, i pa té kité sé mové gason Ilay-la, Hòfni èk Finiyas, enflouwansé’y pou fè sa ki pa bon. (1 Sm 2:22-26) Sanmyèl kontiné pwofité èk Jéhova té toujou épi’y. (1 Sm 3:19) Kon on gwan moun, i kontiné wèsté fidèl pou Jéhova, magwé sé gason’y-lan pa té wèsté fidèl.—1 Sm 8:1-5.

Kisa nou sa apwann an ègzanp Sanmyèl? Si’w sé on jenn moun, ni konfyans ki, Jéhova ka byen konpwann sé difikilté-a ou ka èspéyansé-a, èk i ka konpwann mannyè ou ka santi. Konsa i sa édé’w pou ni kouwaj. (Izay. 41:10, 13) Èk si’w sé on pawan ki ni manmay ki doubout sèvi Jéhova, ègzanp Sanmyèl sa soulajé’w. Chonjé, Sanmyèl pa té sa fòsé sé gason’y-lan pou wèsté fidèl pou Jéhova. Mé, Sanmyèl té fè tout sa’y pé pou wèsté fidèl èk pou plè Jéhova, épi i kité tout bagay an lanmen’y. Alò, si’w imité ègzanp Sanmyèl; pitèt bon ègzanp ou sa enkouwajé manmay ou pou sèvi Jéhova ankò.

GADÉ VIDIYO-A APWANN HÒD YO—SANMYÈL, ÈK APWÉ WÉPONN SÉ KÈSTYON SALA:

• 

  Lè Sanmyèl té on tibway, ki mannyè i té moutwé kouwaj?

• 

  Ki mannyè Danny té moutwé kouwaj?

• 

  Lè Sanmyèl té on gwan moun, ki bon ègzanp i té moutwé?

• 

  Ki bon ègzanp pawan Danny té moutwé?