Kanmpéyn Spésyal Pou Koumansé Létid Bib Diwan Mwa Sèptanm

Diwan mwa Sèptanm, nou kay sèvi ti liv-la Ou Sa Ni On Bon Lavi Pou Tout Tan! pou koumansé létid Bib épi tout moun nou jwenn. Konsa, nou vlé fè tout sa nou pé pou ni an pa an kanmpéyn spésyal sala. Pwoklanmatè sa wann sèvis kon piyonnè òkzilè diwan mwa Sèptanm, èk yo sa chwazi pou fè twant (30) nèditan. Koumannyè nou sa pwan pa an kanmpéyn spésyal sala?

• Asou Pwèmyé Ti Kozé-a: Lèʼw ka palé épi jan kay-la, sèvi enfòmasyon-an ki dèyè ti liv-la pou édé moun vini antéwésé an Bon Nouvèl-la. Èk moutwé yo mannyè an létid Bib ka fèt. On lòt bagay ou sa fè, sé pou chonjé moun ki té moutwé lantéwé an tan pasé. Menm si yo pa té vlé étidyé avan, pitèt yo kay kontan mannyè nèf-la nou ka étidyé épi moun an ti liv nèf-la. An plis di sa, pa kité ti liv nèf-la an kay ki pa ni moun. Ében pa météʼy adan lèt bay moun ki pa té moutwé lantéwé. Sé ansyen-an an kongwigasyon-an kay fè lòt awanjman pouʼw sa ni pli òpòtyounité pou pwéché diwan mwa sala.

• Lòt Lokazyon: Si kongwigasyon-an ka sèvi ti kabouwé-a pou pwéché, mété ti liv-la Ou Sa Ni On Bon Lavi Pou Tout Tan! pou moun sa wè. Si on moun pwan ti liv-la, nou sa diʼy Témwen Jéhova sa étidyé Bib-la épiʼy. Si moun-lan ni tan, moutwéʼy mannyè an létid Bib ka fèt, ében fè awanjman pou fè sa pli ta. Ansyen-an pou sèvis-la sa fè awanjman pou fwè èk sè ki ni èspéwéyans pou pwéché an tèwitwa biznis, èk ofè létid Bib. Osi, ou sa ofè moun ou ka twavay épi, ében népòt lòt moun ou jwenn, an létid Bib.

Jézi di, alé “pwéché bay sé moun-an . . . épi enstwi yo”. (Maf. 28:19, 20) Konsa, annou sèvi ti liv-la Ou Sa Ni An Bon Lavi Pou Tout Tan! diwan kanmpéyn spésyal-la pou fè sa.