Ès Ou Ka Sèvi Òdiyo-a Pou Bib-la?

Kisa ki òdiyo-a pou Bib-la? Sa sé, òdiyo-a pou Bib New World Translation, èdisyon lanné dé mil twèz (2013). Yo ka fè òdiyo-a pou Bib sala mizi an mizi, èk yo ka fèʼy an plizyè diféwan langaj. Yon bèl bagay konsèné òdiyo-a pou Bib-la sé sa, ou pa kay sèlman tann yon vwa, mé ou kay tann an diféwan vwa pou chak moun ki an wakont-la. Osi, lè yo ka fè òdiyo-a pou Bib-la, yo ka pwononsé chak mo pawòl byen, èk yo ka li adan an mannyè pou touché tjèʼw. Konsa lèʼw kouté òdiyo-a, ou sa konpwann konmisyon-an ki an Bib-la byen.

Ki bennéfis adan moun ka twapé lè yo kouté òdiyo-a pou Bib-la? An chay moun kontan kouté òdiyo-a pou Bib-la. Paski lè yo tann on diféwan vwa pou chak moun ki an wakont-la, sa ka édé yo pou imajiné sa ki ka fèt an sé diféwan wakont-la. Èk sa ka édé yo pou konpwann Bib-la pli mèyè. (Pwovèb 4:5) Osi, an chay moun ka di, lè yo kouté òdiyo-a pou Bib-la sa ka soulajé yo lè yo ni tèt cho.—Sam 94:19.

Lè nou kouté an lòt moun li Pawòl Bondyé, nou ka twapé an chay bennéfis. (2 Kwonnikèl 34:19-21) Konsa, si òdiyo-a pou Bib-la avélab an langaj ou, ében adan an langaj ou ka konpwann, ès ou sa fè éfò-a pou toujou koutéʼy?

GADÉ VIDIYO-A MANNYÈ-A YO FÈ ÒDIYO-A POU BIB-LA—AN TI PÒSYON, ÈK APWÉ WÉPONN KÈSTYON SALA:

Lèʼw gadé mannyè-a yo fè òdiyo-a pou Bib-la, kisaʼw apwésyé pli?