LAVI NOU KON KWITYEN
Pawan Enstwi Sé Ich Ou-a Pou Fè Tjè Jéhova Wéjwi
Jenn moun ni an chay valè an zyé Jéhova. Èk i ka wè mannyè yo ka pwofité an lafwa yo èk an lanmityé yo pou li. (1 Sanmyèl 2:26; Louk 2:52) Alò, menm si yo jenn, yo sa fè tjè Jéhova wéjwi an mannyè-a yo ka konpòté kò yo. (Pwovèb 27:11) Wi, Jéhova ka sèvi ògannizasyon’y pou potjiwé bèl zouti pou édé pawan enstwi ich yo pou enmen èk obéyi Jéhova.
GADÉ VIDIYO-A JENN MOUN LÈ’W TJENBÉ FÒ OU KA BAY JÉHOVA TJÈ KONTAN! ÈK APWÉ WÉPONN SÉ KÈSTYON SALA:
An sé lanné-a ki ja pasé, ki èd èk djid Jéhova ja potjiwé pou jenn moun?
Ki zouti ki avélab pou édé pawan enstwi sé ich yo-a?
Si ou sé an jenn moun, kisa Jéhova ja potjiwé ki ja mennen’w an chay bennéfis? Èk poutji?