Kisa Wéyòm Bondyé Kay Fè Épi Pwoblenm Lajan?

An chay moun oliwon latè-a pa sa ganyen sa yo bouzwen, èk jou apwé jou bagay ka vini pli mové.

• Silon yon wapò,a “pli an pli, lajan-an moun ka wisivwè pa mwa, pa asé pou ganyen sé bagay-la yo bizwen.” Wapò-a osi di, si yo pa wanjé pwoblenm sala, “divizyon-an ant moun ki wich èk moun ki pòv kay agwandi”. Èk, “kalité lavi-a an chay twavayè èk fanmi yo ka viv kay vini pli mové”.

Ès sé gouvèdman-an kay sa wanjé pwoblenm sala, ében fè’y ti miyèt pli mèyè?

Bib-la di la ni on gouvèdman ki sa, èk ki kay wanjé tout pwoblenm lajan, èk ba tout moun on bon lavi. Bib-la di ‘Bondyé an syèl kay établi an wéyòm’, sa vlé di, yon sèl gouvèdman ki kay pwan ka tout zafè latè-a. (Dannyèl 2:44) Gouvèdman sala pa kay obliyé ében néglijé pyèsonn. (Sam 9:18) I kay fè asiwé tout moun ni tout sa yo bizwen pou ni tjè kontan. Anfen, anba Wéyòm Bondyé tout moun ‘kay vwéman enjwi twavay-la yo fè épi lanmen yo menm’.—Izaya 65:21, 22.