• Ou Sa Fè Jan Épi Jéhova
    Ou Sa Ni On Bon Lavi Pou Tout Tan!—Annou Wè Sa Bib-la Ka Di

    • 5. Kisa Jéhova ka mandé jan’y pou fè

      Lè jan nou ni bèl kawaktè èk bon atitid nou ka apwésyé sa.

      • Ki bèl kawaktè ou ka apwésyé an jan’w?

      Annou li 1 Jan 5:3, èk apwé nou kay kozé asou kwèsyon sala:

      • Kisa Jéhova vlé jan’y fè?

      Si nou vlé obéyi Jéhova, nou ni pou chanjé vyé atitid èk vyé kawaktè nou ni. Annou li Izaya 48:17, 18, èk apwé nou kay kozé asou kwèsyon sala:

      • Pouki Jéhova ka mandé jan’y pou fè chanjman an atitid yo, èk an kawaktè yo?

      A construction worker handing a safety helmet to a fellow worker.

      Yon bon jan ka ankouwajé nou pou fè bagay ki ka pwotéjé nou, èk ki an bennéfis nou. Jéhova ka fè menm bagay-la pou jan’y

  • Kisa Nou Sa Fè Pou Moutwé Jéhova Nou Enmenʼy?
    Ou Sa Ni On Bon Lavi Pou Tout Tan!—Annou Wè Sa Bib-la Ka Di
    • Lesson 34. A man in a city looks contemplatively toward the heavens.

      LISON 34

      Kisa Nou Sa Fè Pou Moutwé Jéhova Nou Enmenʼy?

      Ès ou enmen Jéhova pli apwézan pasé lè ou té koumansé étidyé Bib-la? Ès ou vlé lanmityéʼw pou Jéhova vini pli fò toujou? Si wépons ou sé wi, chonjé, pli Jéhova wè lanmityéʼw pou li ka agwandi, sé pli i kay enmenʼw èk i kay gadé apwéʼw. Ki mannyè ou sa moutwé Jéhova ou enmenʼy?

      1. Ki mannyè nou sa moutwé Jéhova nou enmenʼy?

      Nou ka moutwé Jéhova nou enmenʼy lè nou obéyiʼy. (Li 1 Jan 5:3.) I pa ka fòsé pyèsonn pou obéyiʼy. Pito, i ka ban nou chak òpòtyounité-a pou chwazi si nou vlé obéyiʼy opa. Pouki? Silon Ronm 6:17 Jéhova vlé nou ‘obéyiʼy épi tout tjè nou.ʼ Kisa sa vlé di? Bondyé vléʼw obéyiʼy paski ou enmenʼy. Ou sa moutwé Jéhova ou enmenʼy lèʼw fè bagay ki ka fè tjèʼy kontan èk lèʼw pa fè bagay i hayi. Sèksyon 3 èk 4 an liv sala kay édéʼw fè sa.

      2. Pouki i difisil délè pou moutwé Jéhova nou enmenʼy?

      Sam 34:19 di: “Nonm-lan ki dwèt-la ka pasé an pil soufwans.” Pou ki wézon? Paski nou pyès pa pawfé. Apa di sa, délè nou pa ni asé lajan, ében nou ka soufè enjistis ében pasdwa, ében nou ni lòt difikilté. Konsa lè bagay difisil, i pa toujou ézé pou fè sa Jéhova vlé nou fè. Pouki? Paski i pli ézé pou dézobéyi Jéhova pasé pou obéyiʼy. Mé, menm si bagay difisil, siʼw kontiné obéyi Jéhova ou ka moutwéʼy ou enmenʼy pli pasé tout lòt bagay. Osi, ou ka moutwé ou vlé wèsté fidèl pou li. Èk lèʼw fè sa, i kay wèsté fidèl pou ou. I pa kay janmen tounen doʼy asouʼw.—Li Sam 4:3.

      ANNOU APWANN PLI

      Apwézan, annou apwann pouki i enpòtan pou obéyi Jéhova, èk kisa ki sa édéʼw wèsté fidèl pou li.

      3. Yon akizasyon ki ni pou fè épiʼw

      Bib-la di nou Satan té akizé Jòb, mé sé pa Jòb sèlman i té akizé, i té akizé tout moun ki vlé sèvi Jéhova. Annou li Jòb 1:1, èvèk Jòb 1:6–2:10, èk apwé nou kay kozé asou sé kwèsyon sala:

      • Silon Jòb 1:9-11, pou ki wézon Satan té di Jòb té ka obéyi Jéhova?

      • Silon Jòb 2:4, kisa Satan di asou tout lézòm?

      Annou li Jòb 27:5 dézyenm pa-a, èk apwé nou kay kozé asou kwèsyon sala:

      • Ki mannyè Jòb moutwé i té vwéman enmen Jéhova?

      Satan challenging Jehovah. He is questioning the integrity of Jòb, who is covered in boils, and of a sister who is serving Jehovah today.

      Jòb moutwé i té enmen Jéhova lè i wèsté fidèl pou li

      Nou ka moutwé nou enmen Jéhova lè nou wèsté fidèl pou li

      4. Fè tjè Jéhova kontan

      Annou li Pwovèb 27:11, èk apwé nou kay kozé asou sé kwèsyon sala:

      • Ki mannyè Jéhova ka santi lèʼw moutwé ou savan èk ou ka obéyiʼy? Pouki ou di sa?

      5. Ou sa wèsté fidèl pou Jéhova

      Paski nou enmen Jéhova sa ka pousé nou pou pwéché. Osi, paski nou fidèl pou Jéhova, nou ka kontiné pwéché menm si i pa toujou ézé. Annou gadé VIDIYO-A, Défann Lafwaʼw Magwé Moun Ka Òpozéʼw èk apwé nou kay kozé asou sé kwèsyon sala:

      VIDIYO: Défann Lafwaʼw Magwé Moun Ka Òpozéʼw (5:09)

      • Ès i toujou ézé pouʼw palé épi moun konsèné Jéhova?

      • An vidiyo-a nou gadé-a, kisa ki édé Grayson ganyen a bout lapèʼy?

      Lè nou enmen sa Jéhova enmen èk nou hayi sa i hayi, sa ka fèʼy pli ézé pou nou wèsté fidèl pou li. Annou li Sam 97:10, èk apwé nou kay kozé asou sé kwèsyon sala:

      • Silon sa ou ja apwann, kisa Jéhova enmen? Kisa Jéhova hayi?

      • Ki mannyè ou sa apwann pou enmen sa ki bon èk hayi sa ki mové?

      6. Lè nou obéyi Jéhova nou ka twapé bennéfis

      I toujou pli bon pou obéyi Jéhova. Annou li Izaya 48:17, 18, èk apwé nou kay kozé asou sé kwèsyon sala:

      • Ès ou vwéman kwè Jéhova toujou konnèt sa ki pli bon pou nou? Pouki ou di sa?

      • Ki bennéfis ou ja twapé an sa ou ka apwann an Bib-la èk sa ou ka apwann konsèné Jéhova?

      ADAN MOUN KA DI: “Sa mwen fè pa ka afèkté Bondyé.”

      • Ki lévanjil ou sa sèvi pou moutwé an moun aksyon nou ka afèkté Bondyé?

      CHONJÉ SÉ PWEN SALA

      Nou ka moutwé nou enmen Jéhova lè nou obéyiʼy, èk lè nou wèsté fidèl pou li, menm siʼy difisil délè.

      Annou Wivizé Sa Nou Ja Apwann

      • Kisa ou apwann an ègzanp Jòb?

      • Ki mannyè ou kay moutwé Jéhova ou enmenʼy?

      • Kisa ki kay édéʼw wèsté fidèl pou Jéhova?

      Mi Yonndé Bagay Ou Sa Fè

      LÒT ENFÒMASYON OU SA GADÉ

      Apwann mannyè ou sa moutwé ou fidèl pou Jéhova èk kongwigasyon-an.

      “Ou Fidèl Pou Moun Ki Fidèl” (16:49)

      Apwann pli konsèné sa Satan di kont lézòm.

      “Jòb Wèsté Fidèl Pou Bondyé” (The Bible—What Is Its Message? sèksyon 6)

      Jenn moun sa moutwé yo enmen Jéhova. Gadé mannyè yo ka fè sa.

      Fè Tjè Jéhova Kontan (8:16)

      Kisa ki ka édé jenn moun kontiné obéyi Jéhova menm si lòt jenn moun vlé yo fè bagay ki pa bon?

      Wézisté Chalè-a Pou Swiv Kopawans Nou! (3:59)

  • Ki Mannyè Nou Sa Fè Bon Disizyon?
    Ou Sa Ni On Bon Lavi Pou Tout Tan!—Annou Wè Sa Bib-la Ka Di
    • Lesson 35. A husband researches cars advertised on a website as his wife and children look on.

      LISON 35

      Ki Mannyè Nou Sa Fè Bon Disizyon?

      Nou tout ni pou fè disizyon. Plizyè disizyon nou ni pou fè sa vwéman afèkté nou, èk osi wilasyon nou épi Jéhova. Pou ègzanp, nou pé ni pou désidé ki koté nou kay wèsté, ki mannyè nou kay sipòté kò nou, ében si nou kay mayé opa. Lè nou fè bon disizyon, nou kay ni lakontantman èk nou kay plè Jéhova.

      1. Ki mannyè Bib-la sa édéʼw fè bon disizyon?

      Avan ou fè an disizyon, i enpòtan pou mandé Jéhova pou édéʼw. Osi, i enpòtan pou li Bib-la pou wè kisa Jéhova ka di konsèné disizyon-an ou vlé fè-a. (Li Pwovèb 2:3-6.) Délè, Jéhova ka bay an koumand ki klè. Konsa, pli mèyè bagay-la ou sa fè sé pou obéyi Jéhova.

      Menm si la pa ni an koumand ki ka diʼw sa pou fè, Jéhova kay toujou djidéʼw ‘an mannyè-a ou sipozé maché-a.ʼ (Izaya 48:17) Ki mannyè Jéhova ka fè sa? I kay sèvi pwensip ki an Bib-la pou édéʼw. Pwensip Bib sé lavéwité ki an Bib-la ki ka édé nou wè mannyè Bondyé ka katjilé, èk mannyè i ka santi konsèné sèten bagay. Souvan, lè nou li an listwa an Bib-la, nou ka vini konnèt mannyè Jéhova ka santi konsèné an bagay. Lè nou konpwann mannyè Jéhova ka santi, nou kay fè disizyon ki kay plèʼy.

      2. Ki bagay ou sipozé katjilé asou avan ou fè an disizyon?

      Bib-la di: ‘Moun-lan ki ni lèspwi ka byen gadé koté i ka mété pyéʼy.ʼ (Pwovèb 14:15) Sa vlé di, avan nou fè yon disizyon, nou ni pou pwan tan pou katjilé asou sa nou vlé fè. Konsa mandé kòʼw sé kwèsyon sala: ‘Ki pwensip Bib mwen kay sèvi? Ès disizyon mwen kay anbété konsyans mwen? Ki mannyè disizyon mwen kay afèkté lézòt moun? Épi pli enpòtan toujou, ès disizyon mwen kay fè Jéhova kontan?ʼ—Ditonronnonmi 32:29.

      Jéhova ni dwa-a pou di nou kisa ki bon èk kisa ki mové. Lè nou vini konnèt lwa Bondyé èk pwensip li èk nou fè éfò pou swiv yo, nou kay ni an bon konsyans. Kisa konsyans nou ka fè? Konsyans nou ka di nou si bagay-la nou kay fè, ében si bagay-la nou té fè, bon ében pa bon. (Ronm 2:14, 15) Alò, lè nou étwennen konsyans nou byen, i kay édé nou fè bon disizyon.

      ANNOU APWANN PLI

      Apwézan, annou apwann mannyè pwensip Bib èk konsyans nou sa édé nou fè bon disizyon.

      3. Kité Pawòl Bondyé djidéʼw

      Ki mannyè pwensip Bib sa djidé nou lè nou ka fè disizyon? Annou gadé VIDIYO-A, Kité Pwensip Ki An Bib-la Djidéʼw èk apwé nou kay kozé asou sé kwèsyon sala:

      VIDIYO: Kité Pwensip Ki An Bib-la Djidéʼw (5:54)

      • Ki bèl kado Bondyé ban nou?

      • Pouki Jéhova ban nou abilité-a pou fè disizyon pou kò nou?

      • Kisa Jéhova ja ban nou pou édé nou fè bon disizyon?

      Pou wè yonn an sé pwensip-la ki an Bib-la, annou li Èfésòs 5:15, 16. Èk apwé nou kay diskité mannyè nou sa sèvi “tout chans [nou] jwenn” pou . . .

      • li Bib-la touléjou.

      • vini an pli mèyè mawi, madanm, pawan, gason, ében fi.

      • atandé sé mitin-lan.

      4. Étwennen konsyans ou pou édéʼw fè bon disizyon

      Délè i ézé pou fè an bon disizyon lè Bib-la ni an konmand ki ka di nou sa pou fè. Mé kisa nou kay fè si la pa ni an konmand? Annou gadé VIDIYO-A, “Tjenn Konsyans Ou Klè” èk apwé nou kay kozé asou kwèsyon sala:

      VIDIYO: “Tjenn Konsyans Ou Klè” (5:13)

      • An vidiyo-a, kisa sè-a té fè pou étwennen konsyans li pouʼy fè an disizyon ki té kay plè Jéhova?

      Pouki nou pa sipozé mandé lòt moun pou fè disizyon ban nou? Annou li Hibrou 5:14, èk apwé nou kay kozé asou sé kwèsyon sala:

      • I ézé pou mandé lézòt moun pou fè disizyon ban nou, mé, kisa nou sipozé apwann pou nou sa fè bon disizyon?

      • Kisa ki sa édé nou pou étwennen konsyans nou pou fè bon disizyon?

      A person driving a car on a road. A GPS mounted on the dashboard helps the driver stay on the correct route.

      Menm kon an map ka djidé nou, konsyans nou sa djidé nou pou fè bon disizyon

      5. Wèspèkté konsyans lézòt moun

      Diféwan moun kay fè diféwan disizyon. Ki mannyè nou sa moutwé wèspé pou konsyans lézòt moun? Annou gadé dé (2) ègzanp:

      Pwèmyé ègzanp-lan: An sésé ki enmen mété ‘makeupʼ koumansé atandé mitin adan an kongwigasyon nèf. Mé sé sésé-a an kongwigasyon nèf sala, ka santi i pa bon pou mété ‘makeupʼ.

      Annou li Ronm 15:1 èk 1 Kòrint 10:23, 24, èk apwé nou kay kozé asou sé kwèsyon sala:

      • Silon sé lévanjil sala, kisa ou kwè sésé-a pé fè? Siʼw épi an moun èk konsyans moun-lan ka anpéchéʼy fè an bagay, mé konsyans ou ka pèwmitéʼw pou fèʼy, kisa ou kay fè?

      Dézyenm ègzanp-lan: An fwè désidé i pa kay bwè alkòhòl, mé i sav Bib-la pa ka kondanné alkòhòl. I twapé an envitasyon pou atandé an ti fèt. Mé lèʼy wivé an fèt-la, i ka wè adan fwè èk sè ka bwè alkòhòl.

      Annou li Ékléziyastis 7:16 èk Ronm 14:1, 10, èk apwé nou kay kozé asou sé kwèsyon sala:

      • Silon sé lévanjil sala, kisa ou kwè fwè sala pé désidé pou fè? Kisa ou kay fè si ou wè an moun ka fè an bagay konsyans ou pa ka pèwmitéʼw pou fè?

      Kisa Nou Ni Pou Fè Pou Nou Sa Fè Bon Disizyon?

      A woman praying.

      1. Mandé Jéhova pou édéʼw désidé kisa pou fè.—Jémz 1:5.

      The same woman doing research using the Bible, Bible-based publications, and a computer.

      2. Fè wichach an Bib-la èk piblikasyon ki bazé asou Bib-la pou twapé pwensip ki sa édéʼw an sitiwasyonʼw. Osi, ou sa mandé Kwityen ki ni èspéyans pou èd.

      The same woman thinking.

      3. Konsidiwé mannyè disizyonʼw kay afèkté konsyans ou èk osi, konsyans lézòt moun.

      ADAN MOUN KA DI: “Pyèsonn pa sa diʼw sa pou fè. Kité moun bat bouch yo!”

      • Pouki nou sipozé mélé épi mannyè disizyon nou kay afèkté Bondyé èk lézòt moun?

      CHONJÉ SÉ PWEN SALA

      Nou ka fè bon disizyon lè nou apwann mannyè Jéhova ka santi konsèné an bagay. Osi, nou ni pou konsidiwé si aksyon nou kay édé lòt moun ében ofwansé yo ében fè yo ditò.

      Annou Wivizé Sa Nou Ja Apwann

      • Ki mannyè ou sa fè disizyon ki sa plè Jéhova?

      • Ki mannyè ou sa étwennen konsyans ou?

      • Ki mannyè ou sa moutwé wèspé pou konsyans lòt moun?

      Mi Yonndé Bagay Ou Sa Fè

      LÒT ENFÒMASYON OU SA GADÉ

      Ki mannyè ou sa fè disizyon ki kay fòtifyé wilasyonʼw épi Jéhova?

      “Fè Disizyon Ki Ka Onnowé Bondyé” (Gad-la, li 15 Avwi, 2011)

      Apwann plis konsèné mannyè Jéhova ka djidé nou.

      Jéhova Ka Djidé Pèp Li (9:50)

      Apwann kisa ki té édé an nonm pou fè an disizyon ki té byen wèd.

      Jéhova Pwonmèt Nou Tout, Sa Ki Bon (5:46)

      Apwann pli konsèné mannyè nou sa plè Jéhova, lèʼy pa ban nou an konmand konsèné sa pou fè.

      “Ès Ou Toujou Bizwen Bib-la Pou Baʼw An Konmand?” (Gad-la, li 1 Désanm, 2003)