• Ès Ou Pawé Pou Batizé?
    Ou Sa Ni On Bon Lavi Pou Tout Tan!—Annou Wè Sa Bib-la Ka Di

    • 3. Pouki ou pa sipozé kité lapèwèz anpéchéʼw batizé?

      Adan moun pè pou batizé paski yo kwè yo pa kay sa fè tout sa Jéhova vlé. Mé chonjé nou pa pawfé, konsa délè nou kay fè lèwè. Bib-la mansyonnen nonm èk fanm fidèl ki té fè lèwè. Jéhova sav nou pyès pa pawfé, konsa i sav nou kay fè lèwè. (Li Sam 103:13, 14.) Lèʼy wèʼw ka fè fòs kòʼw pou obéyiʼy, sa ka fè tjèʼy kontan! Èk i kay édéʼw. Anfen, Jéhova pwonmèt la pa ni anyen ki “sa janmen tiwé nou an [lanmityéʼy].”—Li Ronm 8:38, 39.

  • Ou Sa Wèsté Fidèl Lèʼw Ka Èspéyansé Pèsikasyon
    Ou Sa Ni On Bon Lavi Pou Tout Tan!—Annou Wè Sa Bib-la Ka Di

    • Kon Kwityen ki vwè, nou tout kay èspéyansé òpozisyon. Anfen, moun kay jis pèsikité nou. Mé, ès sa sipozé fè nou pè?

      1. Ki mannyè nou sav moun kay pèsikité nou?

      Bib-la di a klè: “Tout moun ki vlé viv an lavi ki nèt, menm kon Jézi Kwi moutwé yo pou fè, kay jwenn pèsikasyon.” (2 Timòfi 3:12) Yo té pèsikité Jézi paski i pa té menm épi sé jan latè-a. Nou osi pa menm épi sé jan latè-a. Konsa, i pa ka sipwi nou lè ògannizasyon fo wilizyon, épi sé gouvèdman-an ka pèsikité nou.​—Jan 15:18, 19.

      2. Kisa nou sa fè pou pwépawé pou pèsikasyon?

      Pou pwépawé pou pèsikasyon nou ni pou fòtifyé konfyans nou an Jéhova apwézan. Konsa, pwan tan chak jou pou palé épi Jéhova an lapwiyè, épi pou li an pòsyon an Bib-la. Osi, atandé sé mitin-lan wéglé. Si nou fè sé bagay sala, nou kay ni fòs-la épi kouwaj-la pou wèsté fidèl anba pèsikasyon, menm si sé fanmi nou ki ka pèsikité nou. Zapòt Pòl té èspéyansé an chay pèsikasyon. Mé an Hibrou 13:6 i di: “Sé [Jéhova] ki ka édé mwen, mwen pa kay pè.”

      An lòt bagay nou sa fè pou édé nou ni pli kouwaj, sé pou pwéché wéglé. Lè nou ka pwéché, nou ka apwann pou mété konfyans nou an Jéhova, épi pou ganyen a bout pèwèz lézòm. (Pwovèb 29:25) Alò, siʼw dévlopé kouwaj-la pou pwéché apwézan, ou kay byen pwépawé pou kontiné pwéché, menm si gouvèdman-an vlé doubout twavay pwèchman-an.​—1 Tèsalonnika 2:2.

      3. Lè nou wèsté fidèl anba pèsikasyon, ki bennéfis nou ka twapé?

      Pyèsonn pa kontan pèsikasyon. Mé lè nou wèsté fidèl anba pèsikasyon, lafwa nou ka vini pli fò. Osi, nou ka vini pli pwé Jéhova, paski nou ka wè mannyè i ka édé nou lè nou ka santi nou fèb. (Li Jémz 1:2-4.) Kanmenm, i ka fè Jéhova lapenn lèʼy wè nou ka soufè. Mé, lèʼy wè nou ka tjenbé fò èk nou pa ka ladjé, i ka kontan. Bib-la di: “Si ou soufè paski ou fè bon épi ou pwanʼy dousman, Bondyé kay benniʼw.” (1 Pita 2:20) Konsa, si nou wèsté fidèl anba pèsikasyon, Jéhova kay ban nou lavi étonnèl an pawadi-a. A lè sala nou kay sa adowé Jéhova san pyès òpozisyon.​—Mafyou 24:13.

      ANNOU APWANN PLI

      Apwézan, annou apwann pouki ou sa ni konfyans ou sa wèsté fidèl pou Jéhova lèʼw ka èspéyansé pèsikasyon. Osi, ou kay apwann mannyè Jéhova kay benniʼw pou fidèlitéʼw.

      A woman heading to her Bible study despite opposition from her parents.

      4. Ou sa wèsté fidèl lè fanmiʼw ka opozéʼw

      Jézi té sav délè fanmi nou pa té kay sipòté disizyon nou pou sèvi Jéhova. Annou li Mafyou 10:34-36, èk apwé nou kay kozé asou kwèsyon sala:

      • Kisa fanmi nou pé di ében fè, lè nou fè disizyon-an pou sèvi Jéhova?

      Pou wè yon ègzanp an sa fanmi nou pé fè ében di, annou gadé VIDIYO-A, Jéhova Té Anmasé Nou èk apwé nou kay kozé asou kwèsyon sala:

      VIDIYO: Jéhova Té Anmasé Nou (5:13)

      • Kisa ou kay fè si an moun an fanmiʼw ében an jan vlé anpéchéʼw sèvi Jéhova?

      Annou li Sam 27:10 èk Mak 10:29, 30. Apwé nou li chak lévanjil, nou kay kozé asou kwèsyon sala:

      • Siʼw ka èspéyansé òpozisyon hòd an moun an fanmiʼw ében an jan, ki mannyè lévanjil sala sa édéʼw?

      5. Kontiné adowé Jéhova magwé ou ka èspéyansé pèsikasyon

      Nou bizwen kouwaj pou kontiné adowé Jéhova lè lézòt moun ka éséyé anpéché nou adowéʼy. Annou gadé VIDIYO-A, Kontiné Moutwé Kouwaj Magwé Pèsikasyon èk apwé nou kay kozé asou kwèsyon sala:

      VIDIYO: Kontiné Moutwé Kouwaj Magwé Pèsikasyon (6:27)

      • Kisa ou apwann an sé ègzanp-lan an vidiyo-a, ki sa édéʼw pou ni pli kouwaj?

      Annou li Twavay 5:27-29 èk Hibrou 10:24, 25. Apwé nou li chak lévanjil nou kay kozé asou kwèsyon sala:

      • Pouki i si tèlman enpòtan pou nou kontiné adowé Jéhova, menm si gouvèdman-an di nou pou pa pwéché ében pou pa atandé mitin?

      6. Jéhova kay édéʼw wèsté fidèl

      Témwen Jéhova oliwon latè-a, ni sa ki jenn ni sa ki an laj, ka kontiné wèsté fidèl pou Jéhova magwé yo ka èspéyansé pèsikasyon. Pou wè sa ki ka édé yo wèsté fidèl, annou gadé VIDIYO-A, Dyé Jéhova Kay Fòtifyé Mwen èk apwé nou kay kozé asou kwèsyon sala:

      VIDIYO: Dyé Jéhova Kay Fòtifyé Mwen (3:40)

      • Kisa ki té édé sé fwè-a épi sé sè-a an vidiyo-a pou wèsté fidèl?

      Annou li Ronm 8:35, 37-39 èk 2 Kòrint 4:7. Apwé nou li chak lévanjil, nou kay kozé asou kwèsyon sala:

      • Ki mannyè lévanjil sala ka baʼw asiwans-lan ki, ou sa wèsté fidèl anba népòt difikilté?

      Annou li Mafyou 5:10-12, èk apwé nou kay kozé asou kwèsyon sala:

      • Pouki ou sa ni tjè kontan magwé ou ka èspéyansé pèsikasyon?

      Modern-day Jehovah’s Witnesses who endured persecution and imprisonment because of their faith.

      Plizyè milyon Témwen Jéhova ka wèsté fidèl magwé yo ja èspéyansé òpozisyon. Ou sa wèsté fidèl tou!

      ADAN MOUN KA DI: “Mwen pa kwè mwen kay sa andiwé anba pèsikasyon.”

      • Ki diféwan lévanjil ou sa sèvi pou édé moun-lan ni konfyans-lan ki, yo sa andiwé anba pèsikasyon?

      CHONJÉ SÉ PWEN SALA

      Magwé nou ka èspéyansé pèsikasyon, Jéhova ka apwésyé tout éfò nou ka fè pou sèviʼy. Épi èd Jéhova, nou sa wèsté fidèl!

      Annou Wivizé Sa Nou Ja Apwann

      • Ki mannyè nou sav nou kay èspéyansé pèsikasyon?

      • Kisa ou sa fè apwézan pou pwépawé pou pèsikasyon?

      • Kisa ki sa édéʼw ni konfyans-lan ki, ou sa wèsté fidèl pou Jéhova anba népòt difikilté?

      Mi Yonndé Bagay Ou Sa Fè

      LÒT ENFÒMASYON OU SA GADÉ

      Yo té mété an jenn fwè an pwizon, paski i pa té ka mélé kòʼy an zafè ladjè. Gadé mannyè Jéhova té édéʼy andiwé.

      Kontiné Andiwé Magwé Pèsikasyon (2:34)

      Pou plizyè lanné an fwè épi madanm li té èspéyansé òpozisyon. Gadé sa ki té édé yo wèsté fidèl.

      Nou Té Kontiné Sèvi Jéhova Diwan Tan Difisil (7:11)

      Apwann mannyè ou sa ni kouwaj lè ou ka èspéyansé pèsikasyon.

      “Pwépawé Atjwèlman Pou Pèsikasyon” (Gad-la, Jwiyèt 2019)

      Lè fanmi nou ka opozé nou, kisa nou sipozé chonjé? Èvèk kisa nou sa fè pou tjenn lapé èk wèsté fidèl pou Jéhova?

      “Lavéwité-a Pa Ka Mennen Lapé, I Ka Mennen Divizyon” (Gad-la, Òktòb 2017)