Ki Sa Nou Sa Apwann Hòd Sé Chanson Spésyal-la?

Kilès an sé chanson spésyal-la ou kontan pli? Pouki? Ès ou kwè sé vidiyo-a ka moutwé bagay ki ka fèt an lavi toulé jou? Paski la ni diféwan sijé èk diféwan kalité mizik, la ni kéchòy pou tout moun. Kanmenm, sé chanson spésyal-la èk sé vidiyo mizik-la, pa annèk pou anmizman tousèl.

Chak chanson spésyal ka enstwi nou lison nou sa apliké an lavi nou èk an twavay nou. Adan sé chanson-an ka fiksé asou bagay tèl kon: hòspitalité, lilyon, kanmawad, kouwaj, lanmityé ében lafwa. Osi, la ni chanson ki ka ankouwajé lézòt pou witounen pou Jéhova, pou pawdonnen, pou tjenn entègwité, èk pou twapé diféwan mannyè pou fè plis an sèvis Jéhova. La jis ni on chanson spésyal konsèné mannyè pou pa kité pòtab nou kondwi nou. Ki lòt lison ou ja apwann an sé chanson spésyal-la?

GADÉ VIDIYO-A POU CHANSON SPÉSYAL-LA, JUST AROUND THE CORNER, ÈK APWÉ WÉPONN SÉ KWÈSYON SALA:

• Ki bennédiksyon an tan pou vini, fwè-a èk madanm li té ka katjilé asou?—Jen. 12:3

• Ki mannyè nou sa fòtifyé lafwa nou an abilité Jéhova pou fè sa I pwonmèt?

• Ki moun nou kay kontan pou jwenn ankò?

• Ki mannyè èspwa Wéyòm-lan ka édé nou andiwé anba sé pwòblenm-lan nou ni apwézan?—Ronm 8:⁠25