7. Bondyé Kay Wésisité Lé Mò!

1 JÉHOVA KAY TIWÉ LANMÒ

“Dènyé lèlmi ki kay détwi sé lanmò.”—1 Kòrint 15:26

Ki mannyè Bib-la ka ban nou konsolasyon lè an moun mò?

• 2 Kòrint 1:​3, 4

  Lè an manm fanmi nou ében an bon kanmawad nou mò, sa pé kwazé nou. Bib-la ka ban nou konsolasyon ki vwé.

• 1 Tèsalonnika 4:14; Wévélasyon 21:4

  Jéhova ni pouvwa-a pou fè lanmò dispawèt pou tout tan. I kay jis wésisité lé mò.

2 NOU SA NI LAFWA AN WÉZÈWÈKSYON-AN

“Ti fi, mwen diʼw lévé.”—Mak 5:41

Pouki nou sa ni lafwa an wézèwèksyon-an?

• Jan 11:​1-44

  Jézi té wésisité Lazaròs.

• Mak 5:​22-24, 35-42

  Jézi té wésisité an jenn ti fi.

• Jan 11:​41, 42

  Jézi té sèvi pouvwa Jéhova pou wésisité moun ki mò.

• Jan 12:​9-11

  Plizyè moun té wè lè Jézi wésisité moun ki mò. Jis lèlmi Jézi té sav I té ni pouvwa-a pou wésisité lé mò.

3 JÉHOVA KAY WÉSISITÉ PLIZYÈ BILYON MOUN KI JA MÒ

“Ou kay kwiyé mwen èk mwen kay wéponn ou. Pa dé anvi ou anvi pou wè twavay-la ou fè épi lanmen’w!”—Jòb 14:​13-15 (New World Translation)

Ki konpanni moun Bondyé kay wésisité?

• Jan 5:​28, 29

  Tout moun ki an menmwa Jéhova kay viv ankò.

• Twavay 24:15

  Moun ki jis èk moun ki pa jis kay wésisité.

• Izaya 40:26

  Jéhova sa chonjé non chak étwal, alò I ézé pou Bondyé chonjé tout ti détay konsèné sé moun-nan I kay wésisité-a.

4 BONDYÉ KAY WÉSISITÉ ADAN MOUN POU YO VIV AN SYÈL

“Mwen ka alé pwépawé an plas bay zòt.”—Jan 14:2

Ki moun Bondyé kay wésisité pou viv an syèl?

• 1 Pita 3:18

  Jézi sété pwèmyé moun-nan Bondyé wésisité pou viv an syèl.

• Louk 12:32

  Jézi té di sé sèlman an ti gwoup anpami sé disip li-a Bondyé kay wésisité pou viv an syèl.

• Wévélasyon 14:1

  Jéhova ja chwazi yon san kawant kat mil (144,000) moun pou viv an syèl.