LAVI NOU KON KWITYEN

Ki Sa Ou Sa Apwann Hòd Kwityen Ki Ja Sèvi Jéhova Pou Plizyè Lanné?

An kongwigasyon nou, nou ni fwè èk sè ki ja sèvi Jéhova pou plizyè lanné. Nou sa apwann otan hòd mannyè-a yo té apiyé asou Jéhova. Nou sa mandé yo konsèné listwa ògannizasyon Jéhova, èk mannyè Jéhova té édé yo pou débat èk ganyen a bout sé difikilté-a yo té ni. Lè nou ni Létid Labib Fanmi nou, nou sa envité an fwè ében an sè ki an laj, pou di nou konsèné èspéyans yo.

Si ou ja sèvi Jéhova pou plizyè lanné, éséyé pou di sé Kwityen-an ki pli jenn konsèné mannyè Jéhova ja édé’w. Jakòb èk Jozèf té di désandan yo konsèné mannyè Jéhova té édé yo. (Jen. 48:21, 22; 50:24, 25) Pli ta, Jéhova té di sé tèt fanmi-an, pou enstwi ich yo konsèné sé twavay èstòdinè’y-la. (Dito. 4:9, 10; Sam 78:4-7) Jòdi, pawan èk lézòt moun an kongwigasyon-an, sa di sé jennès-la konsèné sé bèl bagay-la Jéhova ja akonpli pa ògannizasyon’y.

GADÉ VIDIYO-A WÈSTÉ AN LILYON ANBA BANN, ÈK APWÉ WÉPONN SÉ KWÈSYON SALA:

Ki mannyè bwanch-la an Austria té édé sé fwè nou-an an péyi koté twavay nou té anba bann?
Ki mannyè sé fwè-a an sé péyi sala té tjenn lafwa yo fò?
Pouki plizyè pwoklanmatè an Romania té kité ògannizasyon Jéhova, èk ki sa ki té édé yo pou witounen?
Ki mannyè sé èspéyans sala ka fòtifyé lafwa’w?

Potwé: Diféwan pa an vidiyo-a ‘Wèsté An Lilyon Anba Bann.’ 1. An map ki ka moutwé sé péyi-a ki té anba bann an Europe Lès. 2. An machinn mimeograph. 3. Fwè hòd péyi Romania ka anbwasé yonn a lòt. — Apwann bèl bagay hòd sé fwè èk sè-a ki an laj, èk sa kay édé’w fòtifyé lafwa’w an Jéhova!