13. Moutwé Wèspé Pou Lavi

1 MOUTWÉ WÈSPÉ POU LAVI

“Sé ou menm ki sous lavi.”—Sam 36:9 (New World Translation)

Ki mannyè nou sa moutwé wèspé pou lavi?

• Twavay 17:28; Wévélasyon 4:11

  Lavi sé an kado Jéhova ban nou, èk nou sipozé twété’y épi wèspé.

• Ègzodòs 21:​22, 23; Ditonronnonmi 5:17

  Pou tjwé moun èk jété zanfan pa bon.

• 1 Jan 3:​11, 12, 15

  Hayisans pa bon.

• 2 Kòrint 7:1

  Tjenn kò’w hòd vyé labitid. Pou ègzanp, ou pa dwé abizé dwòg ében fimen.

• Sam 11:5

  Tjenn kò’w hòd anmizman èk spò ki ni vyolans.

2 LAVI ÈK SAN

“Lavi tout kalité lachè sé san’y, paski lavi-a adan’y.”—Livitikòs 17:14 (New World Translation)

Ki sa Bondyé di konsèné lavi èk san?

• Jennésis 4:10; Ditonronnonmi 12:23

  San ka wépwézanté lavi.

• Jennésis 9:​3, 4

  Nou sa manjé vyann, mé nou pa sipozé manjé san.

• Twavay 15:28, 29; 21:25

  Bondyé di pou pa manjé san, alò kwityen pa ka sèvi san menm si sé pou twètman médikal.

• Hibrou 11:6

  Wilasyon nou épi Jéhova sé bagay-la ki pli enpòtan an lavi nou.

3 MANNYÈ JÉHOVA PÈWMITÉ MOUN POU SÈVI SAN

“San Jézi . . . ja nétwayé tout péché sòti an lavi nou.”—1 Jan 1:7

Ki bennéfis nou sa twapé gwanmèsi sakwifis Jézi?

• Livitikòs 17:11

  Lè jan Izwayèl té péché, yo té ni pou ofè an zannimo kon an sakwifis ba Jéhova pou mandé’y pawdonnasyon. Pwèt-la té ni pou vidé san zannimo-a asou lotèl-la.

• Mafyou 20:28; Hibrou 9:​11-14

  Lè Jézi té vini asou latè, I wiplasé lwa-a konsèné sakwifis zannimo. Jézi bay lavi’y, ében san’y, pou nou twapé pawdonnasyon pou péché nou.

• Jan 3:16

  Lavi Jézi té ni tèlman valè ki, apwé Jéhova wésisité’y, Jéhova bay tout lézòm ki mété lafwa an Jézi, òpòtyounité-a pou yo viv pou tout tan.